Ish-deputeti i parlamentit rus dhe deputeti i opozitës Ilija Ponomarev komentoi pamjet e sulmit me dron në Kremlin dhe tha se e di saktësisht se kush qëndron pas këtij sulmi, shkruan Klix, përcjell Fol Drejt.
Edhe pse dolën informacione se ky sulm në fakt ishte drejtuar nga vetë Kremlini, Ponomarev thekson se gjithçka ishte planifikuar nga partizanët rusë.
“Është punë e atyre grupeve që quhen partizanë rusë, jo ushtrisë ukrainase. Është një nga grupet tona. Nuk mund të them më shumë, sepse ende nuk kanë marrë përgjegjësi publike. Këta janë të rinj, banorë të qyteteve të mëdha në Rusia. Aktivitetet partizane aktualisht janë të përfaqësuara në 40 qytete anembanë Rusisë”, tha Ponomarev për CNN.
Ai gjithashtu theksoi se të gjitha grupet kanë fokusin dhe specialitetin e tyre.
“Disa prej tyre janë të përqendruar në sabotimin e hekurudhave, disa bëjnë shpërthime në vendet e rekrutimit dhe disa janë përgjegjës për sulmet e hakerëve,” tha ai.
Sipas Ponomarev, sulmet me dron brenda Rusisë janë një linjë e re operacionesh për partizanët.
“Ajo që Putini po i shet kombit, dhe veçanërisht elitave, është një ndjenjë e paprekshmërisë dhe sigurisë. Partizanët po i shkatërrojnë të dyja. Ata po përpiqen të thonë se lufta është këtu dhe se elita të tilla nuk janë të sigurta,” përfundoi Ponomarev. .
Krahas CNN, Ponomarev ka komentuar edhe sulmin me dron për portalin ukrainas Strana dhe ka konfirmuar edhe një herë se ishte një plan i partizanëve rusë.
“Unë i njoh saktësisht ata njerëz dhe e di saktësisht se cilët drone kanë nisur”, tha Ponomarev. /FolDrejt/
