Presidentja e Kosovës, Vjosa Osmani, ka përkutjuar masakrën e Poklekut, për të cilën tha se ishte Holokausti i Kosovës, shkruan Fol Drejt.
“Lirie Muqolli ishte vetëm gjashtë muajshe, kur jeta iu shua në filim të saj nga forcat policore e ushtarake të regjimit gjenocidal serb. Emri i saj ishte Liri, e lirinë nuk e arriti! Por, u shndërrua në simbol të saj.”, shkroi Osmani në Facebook.
Osmani theksoi se 53 civilët e pushkatuar e të djegur në Masakrën e Poklekut, në mesin e të cilëve 24 fëmijë, përfshirë Lirien, u vranë vetëm pse ishin shqiptarë, ku trupat e njomë të fëmijëve, bashkë me familjet e tyre, ishin bërë shkrumb e hi, për ta bërë të pamundur identifikimin e për ta fshehur krimin mizor. Ky krim kishte një qëllim të qartë: shfarosjen dhe zhdukjen e popullit tonë nga faqja e dheut. Prandaj, viktimat dhe të mbijetuarit e kësaj masakre janë dëshmi e fuqishme se në këtë fshat më 17 prill 1999 ndodhi Holokausti i Kosovës. Fëmijët e vrarë ishin të moshës gjashtë muajshe e deri në 17 vjeç. Bashkë me ta është vrarë edhe poeti i tyre, poeti i fëmijëve Ymer Elshani me gruan, katër djemtë, nënën dhe kunatën.
“Ne që po e gëzojmë lirinë na mbetet mision që ta bëjmë të pamundurën që kryesit e këtyre akteve makabër në Poklek, në Çikatovë të Vjetër e kudo në Kosovë, të dalin para drejtësisë.
Qoftë i përhershëm kujtimi për të rënët për liri.”, th në fund Osmani. /FolDrejt/
