Zvicra është shtet neutral dhe për këtë arsye nuk është sulmuar edhe nga Gjermania fashiste. Megjithatë, gjatë Luftës së Dytë Botërore, pikërisht 75 vjet më parë, 1 prill 1944, flutaraket amerikane bombarduan për 40 sekonda qytetin Schaffhausen, ku vdiqën 40 persona, përcjell foldrejt.com.
“Ishte një e shtunë me diell, kur ndodhi fatkeqësia mbi Schaffhausen. Brenda 40 sekondave u hodhën 378 granata dhe bomba zjarri, ku gjetën vdekjen 40 persona dhe mbi 270 të tjerë u plagosën,” shkruan media zvicerane blick.ch.
Për të përkujtuar këtë moment tragjik, sot kanë qëndruar sëbashku ministrja e drejtësisë në Zvicër, Karin Keller-Sutter (55) dhe ambasadori amerikan Ed McMullen (54). Krahas edhe figurave tjera politike, të ftuar ishin edhe familjarët e viktimave të asaj date.
Ngatërruan Schaffhausen me Ludwigshafen
Ambasadori amerikan McMullen udhëtoi për në këtë qytet për të thënë “Sorry” dhe tregoi se pilotët e atëhershëm e kishin ngatërruar Schaffhausen-in me Ludwigshafen, për shkak të kohës së keqe dhe radarëve.
SHBA kishte paguar 40 milion dollarë dëmshpërblim për sulmin.
Në anën tjetër Keller-Sutter bëri paralele mes asaj dite dhe të sotmes, ku pasi Zvicra është në qendër të Europës, “megjithatë sot ka kërcënime të reja, që ne duhet të kundërpërgjigjemi.” Ajo më tutje shtoi se Zvicra duhet të mbrohet vetë./Foldrejt.com
