Papa Françesku tha se ai ishte i zemëruar dhe i tmerruar nga djegia e librit të shenjtë musliman, Kuranit, dhe e dënoi dhe refuzoi aktin si një formë e lirisë së fjalës, transmeton Klix, përcjell Fol Drejt.
“Çdo libër që konsiderohet i shenjtë duhet të respektohet për të respektuar ata që besojnë në të”, tha Papa në një intervistë për gazetën e Emirateve të Bashkuara Arabe Al Ittihad, publikuar të hënën.
Papa theksoi se ndihet i zemëruar dhe i neveritur nga këto veprime.
“Liria e fjalës nuk duhet të përdoret kurrë si një mjet për të përçmuar të tjerët dhe lejimi i kësaj të ndodhë refuzohet dhe dënohet,” tha ai.
Ju kujtojmë se javën e kaluar një burrë grisi dhe dogji Kuranin në kryeqytetin e Suedisë, Stokholm, gjë që provokoi dënime të forta nga shumë vende, përfshirë Turqinë, mbështetjen e së cilës Suedia duhet të marrë për t’u bashkuar me aleancën ushtarake të NATO-s.
Ndërsa policia suedeze ka refuzuar disa kërkesa të fundit për protesta kundër Kuranit, gjykatat i kanë rrëzuar ato vendime, duke thënë se ato shkelin lirinë e fjalës.
Të dielën, grupi islamik prej 57 vendesh tha se nevojiteshin masa kolektive për të parandaluar aktet e përdhosjes së Kuranit dhe se ligji ndërkombëtar duhet të përdoret për të ndaluar urrejtjen fetare. /FolDrejt/
