Komuna e Prishtinës ka dalë me një njoftim për qytetarët pas parashikimeve të Institutit Hidrometeorologjik të Kosovës për ditën e sotme, transmeton Fol Drejt.
Për shkak të paralajmërimeve për reshje shiu, shkarkime rrufesh e erëra të forta, autoritetet komunale të kryeqytetit kanë kërkuar që qytetarët të kenë kujdes gjatë qarkullimit, të mos qëndrojnë pranë ndonjë peme ose afër ndonjë shtylle.
“Të nderuar qytetarë,
Insituti Hidrometeorologjik i Kosovës ka parashikuar që sot, e mërkurë, me datën 05.07.2023, do të ketë mot me vranësira.
Vranësirat, sipas institutit gjatë ditës do të intensifikohen duke u shoqëruar me reshje shiu dhe shkarkime rrufesh të cilat do të përcillen me erëra të forta.
Një mot i tillë po parashihet të mbajë edhe të enjten dhe të premtën.
Andaj ju lutemi të keni kujdes gjatë qarkullimit, mos qëndroni pranë një peme ose afër ndonjë shtylle. Qëndroni larg objekteve të larta.
Ju lutemi të keni kujdes të shtuar dhe të paraqitni çdo problem apo shqetësim në numrat e telefonit pa pagesë 📞0800 1 22 33 dhe 0800 1 22 44!”, thuhet në njoftimin e komunës./FolDrejt/