Në Dhomat e Specializuara të Kosovës (DhSK), në Hagë, në gjykimin ndaj Hashim Thaçit, Kadri Veselit, Rexhep Selimit dhe Jakup Krasniqit dëshmitari me kodin (03540) tha se gjatë vitit 1998 si rojtar pyllit ishte ndalur nga ushtarët e UÇK-së dhe për 56 ditë ishte keqtrajtuar dhe maltretuar fizikisht.
Fillimisht dëshmitari në pyetjen e prokurorit special Ward Ferdinandusse tha se Latif Gashi i kishte dhënë urdhra ushtarëve të UÇK që të njëjtit ta maltretonin dhe keqtrajtonin, duke shtuar se duart dhe sytë i kishte të lidhura, raporton “Betimi për Drejtësi”
Po ashtu dëshmitari tha se nga vet Latif Gashi ishe detyruar që të nënshkruante një dokument në të cilin thuhej se më kurrë nuk do ta shkelte tokën e Kosovës, dhe se nuk ishte maltretuar dhe keqtrajtuar fizikisht dhe psiqikisht nga ushtarët e UÇK-së.
Sipas tij nga Latif Gashi i kishte thënë se nëse nuk do ta nënshkruante këtë dokument do ta vrisnin.
Dëshmitari sqaroi se kur ishte zhvilluar procesi gjyqësorë në Prishtinë ndaj Latif Gashit kishte prezantuar këtë dokument, por se të njëjtin nuk ishte pranuar nga Gjykata nën arsyetimin se ishte dokument i falsifikuar.
Sipas dëshmitarit, së bashku me të ishin të ndaluar edhe Sabit Berisha, e që të njëjtin tij, ushtarët e UÇK-së e kishin ndaluar dhe keqtrajtuar nën arsyetimin se ishte bashkëpunëtor i Serbisë.
Tutje, ai tha se së bashku me të ishte i ndaluar edhe një person tjetër me emrin Osman Sinani të cilit e kishin rrahur deri në vdekje ushtarët e UÇK-së, po ashtu nën arsyetimin se edhe ky ishte bashkëpunëtor i Serbisë.
Dëshmitari sqaroi se lajmin se e kishin rrahur deri në vdekje Osmanin Sinanin ia kishte dhënë personi me emrin Fadil Syejviqi, për të cili dëshmitari tha se nuk dihej se a ishte spiun apo çka, pasi që sipas tij Fadili ishte i vetmi person që nuk ishte maltretuar nga ushtarët e UÇK-së.
Tutje dëshmitari sqaroi se me urdhra të Latif Gashit të gjithë civilët e ndaluar ishin dërguar në një vend për të gropuar dhe për të ndërtuar bunker, por se vetëm atë nuk e kishin dërguar për shkak të gjendjes së rënduar shëndetësore.
Dëshmitari gjithashtu pohoi edhe raportet shëndetësore që flisnin për të, duke sqaruar se në to thuhej se ka thyerje të eshtrave, dëmtim të sistemi nervor, lëndime këto që e bëjë ta paaftë për të punuar.
Dëshmitari po ashtu tha se e kishin dërguar në një shkollë me arsyetimin se do të dilte para gjykatësit të gjykatës ushtarake, i cili pastaj mohuar se ka qenë spiun, por ishte vetëm një rojtar i thjeshtë.
Dëshmitari sqaroi se vendet e ndalimit ishin në Bare dhe Bajgorë dhe po ashtu pohoi se për Latif Gashin i kishin thënë se ishte oficer ushtarak.
Në një moment dëshmitari tha se kishte dëgjuar ushtarët e UÇK-së duke thënë njëri-tjetrit më “lër ta vras t’ia q. nanen serbe”.
Tutje ai tha se data e lirimit të tij pas 56 ditësh ndalimi ishte 26 shtatori i vitit 1998.
Dëshmitari në fjalë pohoi se është me nacionalitet serb.
Seanca vazhdon pas pushimit me marrje në pyetje të dëshmitarit nga mbrojtja e të akuzuarve Thaçi, Veseli, Selimi dhe Krasniqi.
Nis seanca ndaj Thaçit dhe të tjerëve, trupi gjykuesi kërkon shkurtimin e kohës për marrjen në pyetje të dëshmitarëve
Në Dhomat e Specializuara të Kosovës (DhSK), në Hagë, ka nisur seanca e së hënës, në gjykimin ndaj Hashim Thaçit, Kadri Veselit, Rexhep Selimit dhe Jakup Krasniqit.
Trupi gjykues më të filluar seanca sqaroi se janë të shqetësuar me rrjedhën kohore të procesit gjyqësore .
Kryetari i trupit gjykues, gjykatësi Charles Smith III me të filluar seanca lëshoi tre urdhra gojorë, ku urdhri i parë gojorë kishte të bënte me shkurtimin e kohës për marrjen në pyetje të dëshmitarëve nga ana e prokurorisë dhe mbrojtjes, raporton “Betimi për Drejtësi”.
Gjykatës Smith III tha se trupi gjykues është i shqetësuar me ecurinë e kohore të këtij procesi gjyqësor penale, duke i kërkuar palëve në procedurë që pyetjet karshi dëshmitarëve t’i shkurtojnë më arsyetimin se tashmë deklaratat e secilit dëshmitar i ka gjykata.
Po ashtu gjykatësi luti prokurorin që për hir të të akuzuarve që ndaj tyre të zhvillohet procesi gjyqësorë në kohë të arsyeshme kërkoi që pyetjet t’i rishikojnë, ndërkaq mbrojtës i dha afat që deri në ditë e nesërme të bëjë rishikimin e kohës për marrje në pyetje të dëshmitarëve.
Seanca vijoi me urdhrin e dytë gojorë përmes të cilit për mbrojtjen e Thaçit, Veselit dhe Krasniqi u zgjatë afati për apelimin e dy vendimeve gjyqësore deri me 26 qershor te këtij viti.
Kurse në urdhrin e tretë gojorë me kërkesë të gjykatësit Smith III seanca kaloi në sesion privat,
Ndërkaq pas shqipitimi të tre urdhrave gojorë seanca ka vazhduar me dëgjimin e dëshmisë së dëshmitarit të dhjetë me numrin (03540).
Në sallën e gjykimet fizikisht u paraqitën i akuzuari Thaçi, Veseli dhe Selimi, ndërkaq përmes video-lidhjes i akuzuari Krasniqi.
Ndryshe, gjatë muajit prill ka filluar gjykimi derisa në seancën e 3 prillit, Zyra e Prokurorit të Specializuar (ZPS) dhe mbrojtësi i viktimave kanë paraqitur deklarimet hyrëse dhe pas leximit të aktakuzës së ndryshuar nga ana e ZPS-së, ish-presidenti Hashim Thaçi, ish-kryeparlamentarët Kadri Veseli dhe Jakup Krasniqi, si dhe ish-deputeti Rexhep Selimi, u deklaruan të pafajshëm për veprat penale që iu vihen barrë.
Më 4 prill mbrojtja e Thaçit, Veselit dhe Selimit kanë dhënë fjalën hyrëse derisa më 5 prill mbrojtja e Krasniqit ka dhënë fjalën hyrëse.
Më 11 prill ka filluar paraqitja e provave të Prokurorisë ku dëshmitarja e parë e mbrojtur e Prokurorisë, ka dhënë dëshminë e saj më 11 prill, 12 prill, 13 prill dhe më 17 prill.
Më 17 prill ka filluar dëgjimi i dëshmitarit të dytë, po ashtu i mbrojtur, i cili ka vazhduar dhënien e dëshmisë edhe më 18 prill, 19 prill dhe 20 prill, ku ka përfunduar dhënien e dëshmisë edhe dëshmitari i tretë, kurse më 10 maj ka filluar dhënien e dëshmisë dëshmitari i katërt, dëshmia e të cilit përfundoi më 17 maj.
Tutje, dëshmitari i pestë ka filluar dëshminë më 17 maj dhe e përfundoi më 22 maj, ku filloi dëshminë dëshmitari i gjashtë i cili përfundoi dëshminë më 23 maj, në të njëjtën ditë me dëshmitarin e shtatë.
Kurse, më 12 qershor ka filluar dëshminë e tij dëshmitari i tetë, i cili përfundoi dëshminë e tij më 14 qershor, ndërkaq me 15 qershor ka përfunduar dëshmia e dëshmitarit i nëntë.
Ndryshe, Zyra e Prokurorit të Specializuar, më 30 shtator 2022 ka dorëzuar aktakuzën e konfirmuar të ndryshuar ndaj Hashim Thaçit, Kadri Veselit, Jakup Krasniqit dhe Rexhep Selimit, e cila përbëhet nga dhjetë pika me akuza, ku këta të fundit ngarkohen për krime lufte e krime kundër njerëzimit.
Më 29 prill 2022, Zyra e Prokurorit të Specializuar kishte dorëzuar një aktakuzë të ndryshuar ndaj Hashim Thaçit, Kadri Veselit, Rexhep Selimit e Jakup Krasniqit, ku pretendohet se katër të akuzuarit kanë kryer krime lufte edhe në Gjilan, Budakovë e Semetishtë.
Më 9 nëntor të vitit 2020, në paraqitjet e tyre të para, Jakup Krasniqi e Hashim Thaçi janë deklaruar të pafajshëm për akuzat që u vihen në barrë. Njëjtë është deklaruar edhe Veseli në paraqitjen e tij më 10 nëntor, sikurse edhe Rexhep Selimi më 11 nëntor.
Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor 2020. /BetimipërDrejtësi/
Shënim: Personat e përmendur në këtë artikull konsiderohen të pafajshëm, përveç nëse nga gjykata vërtetohet se janë fajtorë me vendim të formës së prerë.
