Nga nesër, në rrugët e Parisit nuk do të ketë më skuter elektrikë me qira, pasi qytetarët votuan pro ndalimit të tyre në referendum.
Pas pesë viteve të skuterëve vetëshërbyes, Parisi do të bëhet kryeqyteti i parë evropian që ndalon marrjen me qira të makinave elektrike me dy rrota, përcjell Fol Drejt.
Të pakënaqur me përdoruesit e skuterëve që drejtojnë me shpejtësi të plotë mes këmbësorëve, duke i lënë aty ku mbërrijnë dhe duke shkaktuar disa aksidente, parisienët votuan me shumicë dërrmuese (90 për qind) në një referendum të qytetit me pjesëmarrje të dobët dhe jo detyruese për të ndaluar marrjen me qira të tyre.
Edhe pse referendumi i mbajtur në prill nuk ishte ligjërisht i detyrueshëm dhe pjesëmarrja ishte vetëm 7.46 për qind, kryetarja e Parisit, Anne Hidalgo, premtoi se do të respektojë rezultatin e votimit. Vetë kryebashkiaku drejtoi një fushatë kundër skuterëve për të reduktuar “bezdi”.
Që nga fillimi i gushtit ka filluar heqja graduale e 15 mijë skuterëve, të cilët do të dërgohen në qytete të tjera, një numër i madh në rrugët e Londrës, Kopenhagës, Tel Avivit, qyteteve belge dhe gjermane.
Tre operatorë ofrojnë tashmë biçikleta me qira, të cilat, të paktën tani për tani, duhet të parandalojnë pushimet nga puna nga kompanitë e skuterëve.
“Zhvillimi i përdorimit të biçikletave po lulëzon, me perspektiva shumë interesante”, tha drejtori i marrëdhënieve me publikun në Lyme, e cila ofron 10,000 biçikleta në Paris.
Është e pasigurt nëse të gjithë do të jenë gati të kalojnë në biçikleta dhe disa përdorues të rregullt të skuterëve elektrikë mund të vendosin t’i blejnë ato./FolDrejt/
