Gjermania prej 1 nëntorit 2015 aplikon një ligj të ri për gjashtë shtetet e Ballkanit Perëndimor (Westbalkanregelung), duke u lejuar atyre që të emigrojnë drejt Gjermanisë vetëm në rast se kanë leje ose vizë pune. Prej këtij vendimi kanë përfituar shumë shqiptarë, të cilët, të zhytur në hall nga klika udhëheqëse e shteteve shqiptare, kanë marrë rrugën e mërgimit, ku edhepse persona të “rangut të dytë”, sëpaku punëdhënësi ua ofron dinjitetin e pagesës.
Nga një analizë e fundit e Ministrisë gjermane për Punë Sociale, ku janë anketuar plot 36 mijë emigrantë dhe punëdhënës gjermanë, rezulton se këto të fundit janë kryesisht të kënaqur me punëtorët shqiptarë, pasi mësojnë “shpejt gjuhën gjermane” dhe janë “kolegialë në punë”. Disa shqiptarë, vetëm muaj pasi kanë ardhur në Gjermani, e flasin më mirë gjuhën se ata që kanë ardhur dhjetë vjet më parë, shkruan në ministrinë gjermane bmas.de, përcjell foldrejt.com.
Kur jemi të anketa dhe te shifrat, rezulton se 74 përqind e të emigruarve në Gjermani janë ndër moshën 40 vjeçare, kurse 13 përqind janë gra. Numri i vogël i grave lidhet edhe me atë se ata nuk punësohen në punët e ndërtimit.
Diçka që bie në sy është edhe “besnikëria” e punëtorëve nga Ballkani ndaj shefave, pasi vetëm një e pesta e tyre kanë ndryshuar punën – më e ulët se çdo grup tjetër në Gjermani, qoftë edhe nga gjermanët.
Për këtë, Rregulli Ballkanik që është lehtësuar edhe më shumë prej 1 marsi 2020, duke larguar barrierat shkollore, vlen si sukses ekonomik për Gjermaninë, që ka mbushur sadopak tregun e lire të punës. Ekspertët kërkojnë që ky rregull të vijojë edhe pas 2020, kur i mbaron afati.
Në kohën kur partia e majtë SPD është pro zgjatjes së Rregullit Ballkanik për të thithur punëtorë shqiptarë, por jo vetëm, nga partia e kancelares Angela Merkel (CDU/CSU) shfaqen skeptikë dhe të mendueshëm – përkundër që zgjatjen e kërkojnë shumica e punëdhënësve gjermanë.
Politikani gjerman Hubertus Heil (SPD), thekson se gjithçka e ditur do të bëhet pas disa muajsh.
Një kërkesë që mund të aplikohet është edhe kufizimi i personave që mund të emigrojnë drejt Gjermanisë nga Shqipëria, Kosova, Maqedonia Veriore. Pra, një lehtësim për personelin e ambasadave gjermane në rajon./Foldrejt.com
