Ai është themeluesi i gazetës Bota sot dhe ka 30 vjet që nuk ka ardhur në Kosovë. Biznesin e tij e udhëheq nga Zvicra. Si një person i afërt me LDK dhe konkretisht me Dr. Ibrahim Rugova, ai e ka pasur të vështirë të kthehet në Kosovën e partive ish LPK, që udhëhiqnin Kosovën e pas 99. Në vijim foldrejt.com, ju sjell shkrimin e tij të plotë.
Sot, shqiptarizmi korri një fitore të madhe
Urime çlirimi për herë të dytë vendlindja ime!
Erdhi dita të lirohesh nga kthetrat e hajnave dhe matrapazëve që të kanë shkatërruar dhe ta kanë zënë frymën tash e 20 vjet.
Fytyrat e tyre të tërbuara, plot mllef e inat në foltoren e Kuvendit, tregojnë se sa keq ka qenë gjendja gjatë gjithë kësaj kohe.
Sot, u krijuan kushtet për një të ardhme më të ndritur.
Janë bërë 30 vite që unë nuk kam qenë në Kosovë, fillimisht për shkak të regjimit kriminal serb e pastaj për shkak të regjimit të pasluftës, përkatësisht disa shqipfolësve që iu pengonte e vërteta dhe nuk zgjidhnin mjete për ta luftuar atë.
Sot, pas 30 viteve po e mendoj seriozisht ardhjen time atje.
Sepse tash, ka besë e shpresë..
