“Do të marr këshillat e duhura dhe padyshim që ka edhe çështje sigurie për sa i përket një vizite të tillë”, u tha Albanese gazetarëve pas takimit të tij të parë të kabinetit.
Kryeministri australian, Anthony Albanese, konfirmoi se presidenti ukrainas, Volodymyr Zelenskyy, e ka ftuar atë të vizitojë Kievin, shkruan AA, transmeton Fol Drejt.
“Do të marr këshillat e duhura dhe padyshim që ka edhe çështje sigurie për sa i përket një vizite të tillë”, u tha Albanese gazetarëve pas takimit të tij të parë të kabinetit.
Ai shtoi se vendi i tij i ka dhënë mbështetje Ukrainës në mbrojtjen e sovranitetit të saj kombëtar kundër Rusisë.
“Do të vazhdojmë të qëndrojmë me popullin e Ukrainës”, shtoi ai.
Të enjten, udhëheqës nga Franca, Gjermania, Italia dhe Rumania vizituan Kievin dhe u takuan me presidentin Zelenskyy.
Ndërkohë, Rusia sanksionoi 121 shtetas australianë, përfshirë kryeministrin e Australisë së Jugut, Peter Malinauskas.
“Jam shumë mirënjohës për faktin që Vladimir Putin i ka kushtuar vëmendje rolit udhëheqës që Australia e Jugut po luan në përpjekjen për të mbrojtur vlerat demokratike që ne kolektivisht si vend i mbajmë të dashura”, tha Malinauskas duke folur me gazetarët së bashku me kryeministrin Albanese./FolDrejt/
