Shtetet e Bashkuara kanë akuzuar Rusinë për ‘armatosje të ushqimit’ pasi Moska njoftoi se po pezullonte menjëherë zbatimin e një marrëveshjeje të drithit të ndërmjetësuar nga OKB-ja, e cila ka parë më shumë se 8 milionë tonë drithë të eksportuar nga Ukraina gjatë luftës dhe ka ulur çmimet globale të ushqimit në rritje.
Associated Press raportoi se ministria ruse e mbrojtjes përmendi një sulm të supozuar me dron ukrainas të shtunën kundër anijeve të Flotës ruse të Detit të Zi të ankoruara në brigjet e Krimesë së pushtuar si arsye për këtë veprim, sipas The guardian.
Ukraina e ka mohuar sulmin, duke thënë se rusët keqpërdorën armët e tyre.
Presidenti amerikan, Joe Biden, e quajti pezullimin nga Rusia të marrëveshjes së grurit “thjesht të egër”, ndërsa sekretari i shtetit, Antony Blinken, tha se Moska po “armatos ushqimin”.
Blinken tha në Uashington se pezullimi ishte për keqardhje dhe u kërkoi “të gjitha palëve të mbajnë funksionalë këtë iniciativë thelbësore, jetëshpëtuese”.
Ai tha në një deklaratë të shtunën mbrëma:
Çdo veprim i Rusisë për të ndërprerë këto eksporte kritike të drithit është në thelb një deklaratë që njerëzit dhe familjet në mbarë botën duhet të paguajnë më shumë për ushqim ose të mbeten të uritur. Duke pezulluar këtë marrëveshje, Rusia po armatizon sërish ushqimin në luftën që filloi, duke ndikuar drejtpërdrejt në vendet me të ardhura të ulëta dhe të mesme dhe çmimet globale të ushqimit, dhe duke përkeqësuar krizat tashmë të rënda humanitare dhe pasigurinë ushqimore.
Ukraina akuzoi Rusinë se po krijon një botë “lojëra urie”.
Deklarata e Moskës erdhi një ditë pasi shefi i Kombeve të Bashkuara, Antonio Guterres, i kërkoi Rusisë dhe Ukrainës të rinovonin marrëveshjen e eksportit të grurit, e cila ishte planifikuar të skadonte më 19 nëntor./FolDrejt/
