Një lajm i mirë vjen për të apasionuarit e maleve dhe konkretisht për rajonin e Dibrës, ku ndodhet edhe mali Korab. Përroi i Thellë, i njohur edhe ndërkombëtarisht me toponimin shqiptar, ndodhur në grykën e Korabit, disa kilometra larg fshatit Zhuzhnjë, së shpejti mund të mbrohet nga UNESKO, informon foldrjet.com. Dikur edhe media gjermane Die Welt, do shkruante se një ndër karakteristikat se pse duhet të vizitohet Ballkani, është edhe kjo ujëvara (shih foto).
Sot, 14 janar, Qeveria Teknike në mbledhjen e saj të 3- të solli vendim që ky lokalitet të propozohet në listën preliminare të UNESKOS për tu shpallur e mbrojtur.
▶️Karakteristikat kryesore të këtij lokaliteti janë pyjet e pishave(Fogus Sylvatica) që ndodhen në një sipërfaqe të thellë të pjesës më atraktive të Parkut Kombëtar të Mavrovës me gati 100 vjet paprekshëmri nga dora e njeriut!
▶️Lokaliteti Përroi i Thellë karakterizohet me një prezencë të një numri të konsiderueshëm të florës endemike në mesin e tyre edhe zambaku shqiptar (Lilium Albanicum) dhe ndodhet në zonën e mbrojtur strikte në kuadër të Parkut Kombëtar të Mavrovës, vend në të cilin lejohen vetëm studime hulumtuese shkencore!
▶️Përroi i Thellë është vazhdim i Ujëvarës së Korabit, monumentit natyrorë më mbresëlënës në Maqedonin Veriore me 130 metrat e tij, ujëvara e Korabit është më e larta në Ballkan.
▶️Karakteristike është se ujëvara mund të shihet qartë nga largësi vetëm në pranverë dhe në fillimin e verës, gjatë dimrit është e ngrirë.
▶️Rruga më e mirë për në ujëvarë është ajo që të çon përmes kanionit të lumit. Ajo mund të arrihet edhe nga bregu i majtë i lumit nëpër fshatrat e Nistrovo dhe Zhuzhnjë, ose nga ana e djathtë nga Bibaj, nën maja e Kabashit. Rrugët janë të mbuluara me gungë, dhe ka disa kalime të pasigurta të lumenjve.
Për të shikuar këtë atraksion mund të kontaktoni disa shoqata bjeshkatare mes tjerash edhe Beautiful Mountains in North Macedonia. Vizitat fillojnë nga fundi i majit deri në fund të korrikut./Foldrejt.com
