Shërbimet zjarrfikëse polake po kontrollojnë gjendjen e strehimoreve në rast se vendi bombardohet dhe po hartojnë një listë të inventarit, tha sot zëvendësministri i Brendshëm, pas pushtimit rus të Ukrainës.
Ndërsa Polonia anëtare e NATO-s ka siguruar qytetarët e saj se anëtarësimi i saj në Aleancë garanton sigurinë e tyre nga një sulm rus, ngjarjet në Ukrainën fqinje kanë sjellë në fokus nevojën e vendit për t’u përgatitur për mundësinë e një sulmi raketor.
“Ne kemi 62,000 objekte të tilla në të gjithë vendin,” tha zëvendësministri i Brendshëm Macej Vovcik për transmetuesin privat Polsat News.
“Zjarrfikësit kontrollojnë gjendjen e këtyre objekteve, nëse janë të pajisura dhe të përshtatshme për përdorim. Nëse jo, ne do të marrim masa për t’i rregulluar ato”.
Bovsik tha se Polonia nuk është nën kërcënim , por po përgatitet për skenarin më të keq.
“Këto janë aktivitete rutinë,” tha ai. “Ky aksion ishte planifikuar shumë kohë më parë.
Procesi i kontrollit në strehimore do të zgjasë dy muaj./FolDrejt/
