Aktori James Martin është duke u rikthyer në punën e tij me kohë të plotë pasi “An Irish Goodbye” – filmi në të cilin ai luan – fitoi Oscar për filmin më të mirë të shkurtër, shkruan Klix, përcjell Fol Drejt.
Përveçse është aktori i parë me sindromën Down, filmi i të cilit ka fituar një Oscar, James Martin është i punësuar edhe në Starbucks si furnizues ushqimi dhe mediat e huaja raportojnë se ai punon edhe si kuzhinier në një restorant në Belfast, Irlandë e Veriut.
Në Oscars të këtij viti, të dielën, aktori 31-vjeçar iu bashkua yllit të tij Seamus O’Hara dhe regjisorëve Tom Berkeley dhe Ross White në skenë për të marrë çmimin për filmin më të mirë të shkurtër.
Në fund të fjalimit të tij, regjisori Berkeley tha se ishte ditëlindja e Martinit dhe i kërkoi publikut që t’i bashkohej atij për të kënduar një këngë ditëlindjeje.
Në një intervistë që James Martin ka dhënë më herët për Daily Mail, ai tha se i pëlqen të punojë si furnizues ushqimor dhe kuzhinier. Ai foli edhe për të qenit aktor me sindromën Down, ku shpjegoi se si mund të veprojë çdo njeri pavarësisht nëse ka apo jo sindromën Down. /FolDrejt/
