Vetëm për një muaj, ose shpenzimet që janë rritur nga muaji mars 2019 deri në muajin prill 2019, është 140 denarë. Sipas të dhënave të Lidhjes së Sindikatave të Maqedonisë Veriore (LSM), vetëm për shpenzimet bazë e elementare të një familje llogariten 535 euro.
Për ushqim dhe llogaritë mujore – 23.300 denarë…
Vetëm për ushqim, duhet të paktën 226 euro në muaj, ndërsa për t’i paguar llogaritë për komunalie, mirëmbajtjen e shtëpisë, një familje ka nevojë për 170 euro. Më konkretisht 74 përqind e llogaritjes 535 eurove është shpenzim për ushqim dhe banim, shkruan foldrejt.com, duke u bazuar në portalin portalb.mk. Pra këtu bëjnë pjesë pagesa e rrymës dhe ujit gjithashtu.
Shpenzime tjera janë për higjienë 10.423 denarë, transport 2386 denarë, veshje dhe këpucë 2164 denarë, kulturë 1070 denarë, mirëmbajtje të shëndetit 703 denarë.
Inflacioni të lartë nga muaji në muaj
Të dhënat më të fundit për shportën minimale sindikale të publikuara nga LSM-ja tregojnë rritje të shpenzimeve si në nivel mujor ashtu edhe në atë vjetor, njofton foldrejt.com. Për mbulimin e shpenzimeve jetësore në prill kanë qenë të nevojshëm 32.989 denarë në krahasim me muajin mars, që paraqitet një rritje prej rreth 140 denarësh, ndërsa në krahasim me muajin prill të vitit 2018, vlera e shportës sindikale është rritur për pothuajse 500 denarë. Pra çdo muaj ka rritje të çmimeve, por rrogat e shumicës së institucioneve publike mbeten të paprekura, përveç atyre të sektorit privat, të cilët të gjendur përballë hallit të emigrimit masiv, janë ‘detyruar’ të rrisin rrogat.
Përderisa, janë duke u bërë analizat e fundit për rritjen e rrogës minimale, të dhënat e muajit shkurt tregojnë se në nivel shtetëror rroga mesatare neto është 24.192 denarë ose 393 euro. Bile një arsimtar rrogën e ka pak më pak sesa 24 mijë, ngjashëm si edhe shumica e punëtorëve në administratën publike.
Kjo tregon më së miri se pse të rinjtë largohen!
