Nga Paul Starobin, Politico
Në mes të marsit, disa javë pas pushtimit të Ukrainës, presidenti Vladimir Putin mbajti një fjalim në stadiumin Luzhniki të Moskës. Kreu i shtetit rus nisi fjalimin duke shenjtëruar ushtarët e rënë të vendit të tij, duke perifrazuar një shprehje nga bibla.
“Nuk ka dashuri më të madhe se sa dikush i cili sakrifikon jetën për shokët e tij.”
Pra, mirë se vini në konfliktin me terma të shenjtë të Moskës.
Deputeti i Dumës, Vyacheslav Nikonov, një aleat i ngushtë i Kremlinit, deklaroi se: “Kjo është me të vërtetë një luftë e shenjtë që ne po bëjmë dhe ne duhet të fitojmë”. Rusia filloi të përqafonte fenë ortodokse pas rënies së Bashkimit Sovjetik , zyrtarisht ateist në 1991, dhe ky pelegrinazh ka përparuar më shpejt që kur Putini mori pushtetin.
Sot, rreth 70 për qind e rusëve janë ortodoksë, sipas një sondazhi të Pew.
Çfarë do të thotë kjo që Rusia, është duke zhvilluar një “luftë të shenjtë” në Ukrainë dhe si duhet ta kuptojë Perëndimi këtë mision mesianik?
Në radhë të parë, perspektiva e një lufte bërthamore, për të cilën tani flitet hapur nga zyrtarët më të lartë të qeverisë ruse, nuk mund të hidhet poshtë thjesht si një gënjeshtër. “Rreziku është serioz, real” dhe “nuk mund të nënvlerësohet”, tha ministri i jashtëm rus Sergej Lavrov.
Nga ana tjetër, armët bërthamore shihen si një nga mënyrat e Zotit për të siguruar mbijetesën e “Nënës Rusi”.
Armët bërthamore janë spërkatur me ujë të bekuar dhe priftërinjtë i shërbejnë personelit ushtarak përgjegjës për sistemin e armëve bërthamore të vendit.
Vetë Putini ka thënë se besimi ortodoks dhe armët bërthamore janë “të lidhura ngushtë” me shtetin rus. Dhe së fundmi ai njoftoi lëshimin e suksesshëm të raketës balistike ndërkontinentale më të fuqishme të Rusisë, RS-28 Sarmat, e cilësuar nga NATO si Satan-2.
Kërcënimi për të sulmuar Uashingtonin me një raketë balistike mund të duket i largët, pasi Shtetet e Bashkuara kanë pajisjet e duhura për të shkatërruar arsenalin e armëve bërthamore të Moskës. Sipas analistëve perëndimore, Rusia ka mbi 1500 të ashtuquajtura armë bërthamore taktike, të dizajnuara për përdorim në fushën e betejës.
Një armë me rendiment të ulët mund të shpërthejë mbi Detin e Zi për të treguar qëndrimin e palëkundur në këtë betejë jo vetëm për Kievin, por edhe për Uashingtonin, në një përgjigje apokaliptike ndaj deklaratës së fundit të Sekretarit të Mbrojtjes të SHBA-së Lloyd Austin për dobësimin e shtetit rus, raporton abcnews.al.
Përkushtimi rus ndaj “luftës së shenjtë” sugjeron gjithashtu se “Beteja për Kievin” mund të mos ketë përfunduar ende.
Megjithëse forcat ukrainase penguan përparimin fillestar të forcave ruse, duke shpërndarë forcat ruse në Ukrainën lindore dhe jugore. Por nëse Rusia arrin të këtë sukses në këto zona, sigurisht vëmendja e saj do të rikthehet në Kiev.
Në fund të fundit, Kiev, i cilia ka një histori të gjatë të fesë ortodokse nuk mund të mbivlerësohet. Në historinë kombëtare ruse, historia në thelb fillon në vitin 988 me një pagëzim masiv të shpirtrave paganë në ujërat e Dnieper në Kiev.
Mongolët më vonë pushtuan Kievin, por qyteti rifitoi identitetin e tij ortodoks në vitin 1685. Në librin e parë historik të Rusisë, Kievi përshkruhet si djepi i Rusisë.
Tani, me ringjalljen ortodokse post-sovjetike të Rusisë, ndoshta asnjë imazh nuk do të rezononte më triumfalisht me popullin rus sesa të ushtarëve që morën në kontroll Katedralen e Shën Sofisë, faltorja e shenjtë, e cila është ndërtuar për të shpallur Kievin “Kostandinopoja e re”.
Këtu nuk ka asgjë të re. Carët rusë dhe Putini i përshtatet këtij modeli, edhe si president i zgjedhur ka filluar luftën për të mbrojtur vendin, ashtu si popujt ortodoksë.
Kthesa në betejën aktuale është se rusët po luftojnë kundër vëllezërve të tyre ortodoksë.
Gati 80 për qind e ukrainasve identifikohen si ortodoksë – një përqindje më e lartë se në Rusi. Por sipas pikëpamjes së Moskës, ukrainasit janë heretikë dhe qeveria e tyre kërkon t’i bashkohet Perëndimit nëpërmjet anëtarësimit në Bashkimin Europian dhe anëtarësimit në NATO, raporton abcnews.al.
Pra, “Rusia e Vogël”, siç njihej zyrtarisht Ukraina në kohën perandorake cariste, duhet të riposedohet.
Menjëherë pas fillimit të pushtimit, Patriarku Kirill, kreu i Kishës Ortodokse Ruse, mbajti një predikim në Moskë, duke akuzuar Perëndimin se po përpiqej të vendoste një rend të ri botëror.
Si përgjigje, qindra klerikë ortodoksë në Ukrainë e akuzuan Kirillin për predikimin se Ukraina i përket përjetësisht hapësirës së unifikuar shpirtërore dhe territoriale që udhëheqësit ortodoksë rusë e quajnë Russkiy Mir – Bota Ruse.
Vetë Kirill e ka quajtur udhëheqjen e Putinit “një mrekulli nga Zoti”. Ajo që është e qartë është se Putini e ka cilësuar pushtimin e Ukrainës si një gjueti fetare.
Lufta e Shenjtë priret të jetë lufta më e egër nga të gjitha dhe ajo e Rusisë mund të jetë vetëm fillimi./abcnews.al
