Ka vdekur në Qendrën Klinike Universitare të Kosovës personi i cili para një jave ishte plagosur me armë zjarri në një lokal në fshatin Kryeshec të Pejës.
Policia njofton se viktima është I.G., 41-vjeçar.
Bashkë me të ndjerin, në këtë rast lëndime nga arma e zjarrit kishte pësuar edhe një person tjetër.
Pas intervistimit të tij, me urdhër të Prokurorit të shtetit të dyshuarit iu është caktuar masa e ndalimit prej 48-orësh.
“Sot me datë 05.07.22 rreth orës 12:00 Policia është njoftuar nga Qendra Klinike Universitare në Prishtinë se viktima I.G. 1981 ka ndërruar jetë”.
Në konsultim me Prokurorin e shtetit, rasti nga “Vrasje në tentativë” është rikualifikuar në “Vrasje të rëndë”, ndërsa trupi i pa jetë i viktimës me urdhër të Prokurorit të Shtetit është dërguar në Institutin e Mjekësisë Ligjore (IML) për obduksion.
“Rasti është duke u hetuar nga sektori rajonal i hetimeve në Drejtorinë Rajonale të Policisë në Pejë”, përfundon njoftimi. /Telegrafi/