Presidenti i Maqedonisë së Veriut, Stevo Pendarovski, në kuadër të fjalime të fundvitit, edhe ai u është drejtuar të gjithë shtetasve të tij në një fjalim, që është munduar të jetë përbashkues, përkundër që është bojkotuar nga partia opozitare OBRM-PDUKM, informon foldrejt.com.
Pendarovski e nisi duke mbajtur një minutë zi për viktimat e Covid19, kurse më pas nisi me falenderime për ekipin mjekësor, të cilët gjatë qeverisë së partisë së tij u janë rritur ndjeshëm rrogat.
Më tutje Pendarovski shtoi se duhet të vaksinohemi dhe se nuk duhet t’u “bindemi sharlatanëve, përpara shkencëtarëve.”
Në lidhje me kontestin me Bullgarinë, ai përsëriti qëndrimin e tij se nëse çmimi për të hyrë në Bashkimin Evropian është që të hiqet dorë nga identiteti maqedonas, atëherë asnjë qytetar maqedonas nuk do të dakordohej me një gjë të tillë. Megjithatë, ai ka theksuar se edhe pas vetos bullgare, askush nuk ka dilemë se vendi duhet të vazhdojë rrugën drejt BE-së. Pendarovski ka theksuar edhe rolin e shqiptarëve në lidhje me kontestet që prekin identitetin maqedonas, duke deklaruar se ato kanë kontribuar për përforcimin e Maqedonisë së Veriut para faktorit ndërkombëtar.
“Më lejoni në suazat e së njëjtës çështje, ta them edhe qëndrimi tim në lidhje me përfaqësuesit tim në lidhje me përfaqësuesit politikë të bashkëqytetarëve tanë shqiptarë dhe raportin e tyre ndaj çështjeve të cilat e prekin identitetin maqedonas. Për fat të keq, te një pjesë e maqedonasve etnik vite me radhë ekziston dyshimi: A e mbështesin politikanët shqiptar luftën tonë për afirmimin më të gjerë ndërkombëtar? Pohoj me përgjegjësi, sepse unë jam dëshmitar i këtyre proceseve më shumë se 20 vjet, që në vitet 1990 negocionim me Greqinë, faktori politik shqiptar kur ka qenë në pushtet dhe në opozitë, gjithë këto vite ka pasur sjellje dhe mirëkuptim tërësisht korrekt për përpjekjet tona që ta ruajmë dhe ta promovojmë identitetin maqedonas. Qëndrimi i tillë na ndihmoi të jemi më të fuqishëm në të gjitha takimet me emisarët e huaj sepse e dinim se na ka mbështetur pozitë shtetërore e harmonizuar”, tha ai.
Pendarovski foli edhe për çështjen e regjistrimit të popullsisë, ku ai tha se nuk ekziston shtet në botë i cili ka përparuar nëpërmjet shkurtimit të të drejtave të qytetarëve të vet ose me problematizim të statusit të tyre juridik dhe politik.
“Një gabim të tillë ne e bëmë në vitet e largëta të 80-ta të shekullit të kaluar dhe kjo rezultoi me tensione ndëretnike të cilat e zvogëlojnë në mënyrë drastike kohezionin e shoqërisë dhe rezistencën e tij në kriza”, tha ai, duke nënkuptuar të drejtat e shqiptarëve.
Në fund Pendarovski potencoi se mbi të gjitha sfidat, Maqedonia e Veriut duhet të luftojë korrupsionin, të përpiqet për shtetin ligjor dhe t’u prijë reformave./Foldrejt.com
