Maqedonia e Veriut dhe Shqipëria nuk kanë alternativë tjetër për anëtarësim në Bashkimin Evropian, ndërsa siguria ne Balkanin Perëndimor nënkupton siguri edhe për Evropën, vlerësuan presidentët e të dy vendeve Stevo Pendarovdki dhe Ilir Meta në pres konferencën pas takimit të sotëm në Tiranë, njofton KOHA.
Presidenti shqiptar tha se zgjedhja e Pendarovskit si president do të shtonte një dimension të ri në marrëdhëniet ndëretnike të vendit dhe do të rrisë bashkëjetesën, e cila gjithashtu do të ndikojë në forcimin e marrëdhënieve të fqinjësisë së mirë.
“Në takim e njoftova kolegun tim, Presidentin Meta, për takimin liderëve të mbajtur tek ne, ku arritëm konsensus shtetëror për të vazhduar në rrugën evropiane, si dhe për të organizuar zgjedhje të parakohshme parlamentare. Ne u pajtuam me presidentin shqiptar që është detyra jonë si krerë të shteteve të vazhdojmë të inkurajojnë të gjithë aktorët politikë në vendet tona që të vazhdojnë zbatimin e angazhimeve të axhendës evropiane në interes të qytetarëve tanë, si dhe të bindim liderët evropianë që me negociatat me vendet e rajonit ata po investojnë në stabilitet dhe prosperitet”, tha Pendarovski.
Meta theksoi se Maqedonia e Veriut ka mbështetjen e Shqipërisë në rrugën e saj drejt NATO-s.
“Vendi me siguri po shkon drejt anëtarësimit në NATO dhe ne jemi të kënaqur që kemi treguar mbështetje të vërtetë për këtë rajon për të forcuar parametrat e sigurisë për të përmbushur të gjitha angazhimet në bazë të Marrëveshjes së Ohrit, pasi është një çështje e rëndësishme në të gjitha aspektet jo vetëm për të forcuar bashkëjetesën, por edhe dhe vetë perspektivën e vendit në BE”, theksoi Meta.
Pendarovski tha se takimi i sotëm me Metën ishte në kushte të jashtëzakonshme pasi të dy vendet nuk filluan bisedimet e BE-së një javë më parë. Ai theksoi, se megjithatë, “anëtarësimi në BE është mënyra e vetme dhe çdo ide tjetër është e papranueshme”, dhe për këtë arsye “ne duhet të jemi më të bindshëm në reformat dhe transformimet tona”.
Pendarovski në takimin me Metën sugjeroi që vendet e Ballkanit Perëndimor të mbajnë një Samit për të diskutuar mbi zgjerimin, marrëdhëniet e fqinjësisë së mirë, ndërsa gjatë kësaj të hedhin poshtë idetë për alternativa për integrimin evropian.
Presidenti Pendarovski propozoi gjithashtu një iniciativë për krijimin e një grupi joformal për miqësinë maqedonase-shqiptare, i cili do të përqendrohet tek rinia, përveç forcimit të lidhjeve midis politikanëve dhe biznesmenëve.
Në takim, ata shkëmbyen informacione për pozicionin e komunitetit maqedonas në Shqipëri dhe komunitetit shqiptar në Maqedoninë e Veriut, të cilët janë faktorë të bashkëpunimit më të ngushtë dhe pasurimit të bashkëpunimit.
Meta nga ana e tij tha se e siguroi Pendarovskin për përpjekjet për integrimin e plotë të pakicës maqedonase në Shqipëri.
