Vetëm katër ditë pas përfundimit të Botërorit na pret një tjetër ndeshje e rëndësishme futbolli, pra përballja mes Manchester Cityt dhe Liverpool ose thënë ndryshme Guardiola vs Klopp…
Është një ndeshje e raundit të katërt të EFL Cup të enjten në orën 21:00 në Etihad. Është një sfidë e madhe për të dyja skuadrat duke pasur parasysh numrin e madh të lojtarëve të kombëtares që të dyja dhanë në Katar, veçanërisht Manchester City.
Julian Alvarez është rikthyer në Buenos Aires për të festuar titullin e botës, ai do të kthehet së shpejti. Për disa nga lojtarët e tij turneu përfundoi me zhgënjim, por menaxheri i Cityt, Pep Guardiola është i bindur se është pas tyre dhe se nuk do të ndikojë negativisht në sfidat e radhës.
“Përshtypja ime është se do të jetë mirë. Unë fola me djemtë që u kthyen për të parë se si po ndiheshin. Ata kanë nisur stërvitjen dhe do të shohim se si do të sillen në fushë. Është hera e parë që kampionati është në këtë sezon dhe të gjithë trajnerët janë në të njëjtën situatë” , ka komentuar Guardiola.
Vetëm De Bruyne dhe Gündogan nga lojtarët e Katarit morën pjesë në fitoren miqësore 2-0 të fundjavës së kaluar kundër Gironas. Në ndërkohë, portugezët dhe anglezët i janë bashkuar seancave stërvitore dhe së shpejti duhet të bashkohet edhe braziliani Ederson .
Takimin e ka bërë të ditur ndihmës trajneri holandez Pepijn Lijnders nga Liverpooli.
“Lojtarët u kthyen me një ndjenjë të mirë, si Henderson, Alexander-Arnold, Alisson, Fabinho… Ata kanë energji dhe besim”.
Curtis Jones nuk është rikthyer ende në stërvitje për shkak të një dëmtimi dhe as Diaz, Jota dhe Melo për të njëjtën arsye./FolDrejt/
