Presidenti i Serbisë, Aleksandar Vuçiq, foli rreth darkës së organizuar nga Përfaqësuesi i Lartë i Bashkimit Evropian për Politikë të Jashtme dhe Siguri, Josep Borrell.
Ai tha se sot se sesioni i 78-të i Asamblesë së Përgjithshme të Kombeve të Bashkuara (OKB) është një mundësi për “angazhimin shtesë për ruajtjen e paqes dhe stabilitetit në rajon” në takimet me liderët botërorë.
“Kjo javë në Nju Jork është një mundësi për të shkëmbyer mendime me liderët botërorë për situatën aktuale në Evropë dhe botë, sfidat në fushën e migracionit, ndryshimet klimatike dhe zhvillimin e qëndrueshëm, por edhe për të avokuar më tej për ruajtjen e paqes dhe stabilitetit. në rajon”, ka njoftuar Vuçiq në Instagram, përcjell Fol Drejt.
“Sot, si dhe në ditët në vijim na presin një numër i madh takimesh dhe unë do të vazhdoj të luftoj për Serbinë sa më mirë në këtë periudhë sfiduese”, tha ai.
Presidenti i Serbisë mori pjesë dje edhe në një drekë joformale të organizuar nga Borrell për liderët e Ballkanit Perëndimor.
“Dhe e përdora këtë drekë joformale për të vazhduar luftën për të ruajtur paqen dhe stabilitetin dhe për të përshpejtuar zhvillimin e Serbisë dhe të gjithë Ballkanit Perëndimor”, tha Vuçiq.
Ai shtoi se Serbia vazhdon të udhëheqë një politikë të përgjegjshme dhe parimore, të bazuar në ruajtjen e interesave kombëtare, e hapur për bashkëpunim konstruktiv në rajon me qëllim të përmbushjes së qëllimit tonë strategjik – anëtarësimit në BE./FolDrejt/
