Agjencia e Statistikave e Kosovës (ASK), ka publikuar raportin për shpenzimet qeveritare, për sa i përket tremujorit të katërt për vitin 2021, transmeton Fol Drejt.
Sipas raportit të ASK-së, shpenzimet e Qeverisë në TM4 2021 ishin 822.6 milion Euro, që është një rritje e shpenzimeve, krahasuar me periudhën e njëjtë të vitit të kaluar, që ishin 817.1 milion Euro.
Ky është raporti i plotë:
Ky publikim paraqet pasqyrën e të hyrave dhe shpenzimeve qeveritare brenda kësaj periudhe.
Gjithsej të hyrat e Qeverisë së Përgjithshme në TM4 2021 ishin 627.1 milion Euro, ku krahasuar me periudhën e njëjtë të vitit 2020 (TM4 2020), që ishin 703.2 milion Euro, ka rënie të të hyrave.
Pjesën më të madhe të të hyrave e përbëjnë tatimet në produkte, të cilat paraqesin 69.8% të totalit të të hyrave, ndërsa pjesa e mbetur është shpërndarë në kategori të tjera të të hyrave.
Gjithsej shpenzimet e Qeverisë së Përgjithshme në TM4 2021 ishin 822.6 milion Euro, që është një rritje e shpenzimeve, krahasuar me periudhën e njëjtë të vitit të kaluar (TM4 2020), që ishin 817.1 milion Euro.
Pjesën më të madhe të shpenzimeve e përbëjnë: kontributet sociale dhe përfitimet me 23.8%; kompensimi i punëtorëve me 19.6%; formimi i kapitalit bruto me 15.9%; konsumi i ndërmjetëm me 15.2%. Ndërsa pjesa e mbetur e shpenzimeve është shpërndarë në kategori të tjera të shpenzimeve./FolDrejt/
Për më shumë vizitojeni faqen zyrtare të ASK-së.
