Për dallim që Gjermania rrëmbeu gjithë Jugosllavinë për 11 ditë, lufta e trupave gjermanë kundër grekëve ishte më e vështirë. Fillimisht Italia dështoi të pushtojë Greqinë, pasi pushtoi për pak javë Shqipërinë zogiste (prill 1939). Për t’i ardhur në ndihmë Gjermania, që kërkonin të shmangnin dominimin britanik mbi Ballkanin, lufta filloi në 6 prill 1941. Gjermanët ishin të ndarë në 18 divizione dhe pas luftimeve të ashpra pushtoi gjithë Greqinë në 1 qershor 1941. Gjatë kësaj beteje vdiqën rreth 1100 ushtarë gjermanë, kurse Greqia mbështetej nga Zelanda e Re, Australia dhe Britania e Madhe, shkruan foldrejt.com.
Krimet e gjermanëve në Greqi
E ndodhur në krizë financiare, Greqia ka kërkuar dëmshpërblim prej 290 miliardë dollarë ndaj Berlinit zyrtar, për krimet e shkaktuara gjatë Luftës së Dytë Botërore.
Mes krimeve që përmenden më së shumti në Greqi, është vrasja e 218 grekëve në fshatin qendror Distomo, pasi më parë ishin vrarë tre ushtarë gjermanë.
Pasi u vranë civilët grekë, pas largimit të trupave gjermane u dogj i gjithë fshati.
Në fakt Gjermania në 1960 i dhuroi Greqisë 115 milionë D-mark, për krimet e luftës gjatë LDB. Për të mos përfunduar këtu, Gjermania në 2014 vendosi me ligj një fond prej një milion eurosh në vit për të rikujtuar krimet e nazistëve në Greqi. Por kjo e fundit, nga viti i kaluar ka shtuar kërkesat për rritjen e këtij fondi.
Greqia vijon të kërkojë me ngulm dëmshpërblime me vlerë 290 miliardë euro, një kërkesë që mbështetet edhe nga opozita. Çështja mund të shkojë për shqyrtim te Gjykata Ndërkombëtare e Hagës.
Një kërkesë për dëmshpërblim vjen edhe nga Komuniteti Hebraik i Selanikut, që kërkon dëmshpërblim prej hekurudhat gjermane. Me pushtimin e Selanikut, 58 mijë hebrenj të saj u transportuan në kampin famëkeq të Aushvicit. Ata akuzojnë transportin e hekurudhave gjermane se paraardhësit e tyre, gjatë asaj kohe kishin paguar vetë biletat e trenit./Foldrejt.com
