Brenda koalicionit qeverisës së Danimarkës janë shfaqur përçarje lidhur me çështjen e riatdhesimit të qytetarëve danezë, respektivisht grave dhe fëmijëve nga kampi i ndalimit Roj në Sirinë verilindore.
Partia e të moderuarve (Moderaterne), një partner i koalicionit, dëshiron riatdhesimin e fëmijëve edhe nëse kërkohet që nënat e tyre të jenë përkrah tyre, ndërsa dy partitë tjera, Social Demokratëtëve dhe Liberalët, kundërshtojnë kthimin e grave në Danimarkë pasi thonë se kanë qenë simpatizues ose bashkëshortë të militantëve të DEASH-it, përcjell Fol Drejt.
Raportet sugjerojnë se pesë fëmijë dhe tre nëna me prejardhje daneze ndodhen në kamp, ku po vuajnë dënimin për një periudhë të pacaktuar.
Ndërkohë, organizatat e të drejtave të njeriut kanë shprehur shqetësimin për kushtet e mjerueshme në kamp dhe kanë marrë në pyetje autoritetet daneze për mungesën e veprimeve për riatdhesimin e fëmijëve me prejardhje daneze.
Politika aktuale e qeverisë nuk i mandaton autoritetet që të evakuojnë fëmijët nga kampet pa kujdestarët e tyre (nënat), ndërkohë që nënat nuk mund të kthehen në shtëpi për shkak të revokimit të shtetësisë së tyre daneze.
Zhvillimet vijnë pasi Norvegjia riatdhesoi dy motra nga Siria së bashku me tre fëmijët e tyre për shkak të kushteve të tmerrshme në kamp.
Ministri danez i Punëve të Jashtme, Lars Lokke Rasmussen, në një takim të komitetit parlamentar të mërkurën tha se qeveria “së shpejti” do të shpallë politikën e saj zyrtare për këtë çështje./FolDrejt/
