Një 23-vjeçar është arrestuar në pas dyshimeve se në shpërndarjen e drogës ka përfshirë edhe dy të mitur, 15 dhe 16 vjeç.
Rasti ka ndodhur në Durrës, me ç’rast policia shqiptare ka arrestuar në flagrancë 23-vjeçarin.
“Në pranga 23-vjeçari që shpërndante drogë në doza, në Durrës dhe kishte përfshirë në këtë veprimtari edhe dy shtetas të mitur, 15 dhe 16 vjeç. Sekuestrohet lënda narkotike kanabis e ndarë në doza, gati për shitje. Shërbimet e Policisë së Durrësit, në vijim të punës për evidentimin dhe goditjen e aktiviteteve kriminale në fushën e narkotikëve, mbështetur dhe nga inteligjenca informative, në kuadër të operacionit policor të koduar “November”, kanë arrestuar në flagrancë shtetasin: M. B., 23 vjeç, banues në lagjen nr.13, Durrës. Në përfundim të veprimeve, materialet i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme, për veprat penale “Prodhimi dhe shitja e narkotikëve” dhe “Shtytja e të miturve në krim””, thuhet në njoftimin e policisë./FolDrejt/
