Imami i njohur shqiptar Tahir Kukaj në 24 qershor 2019 është shpallur si përfaqësuesi kryesor i detyrave islame në policinë e Nju Jorkut ose siç njihet ndryshe NYPD Muslim Chaplin, informon foldrejt.com.
24 qershori është një “ditë e madhe për mua, familjen time dhe komunitetit tim,” tha mes tjerash Kukaj gjatë marrjes së detyrës së re. Ai poashtu falenderoi edhe NYPD dhe komisionerin James P. O’Neil, të cilët ia besuan këtë detyrë të madhe, por edhe Qendrën Kulturore Islame Shqiptare për mbështetjen e vazhdueshme për më shumë prej dy dekadave të presidentit të saj dr. Zurkani Vardar dhe imamit Ferid Bedrolli, përcjell foldrejt.com.
“Unë do shikoj përpara për këtë mundësi të jashtëzakonshme, që të ndihmoj departamentin më të mirë të policisë botërore,” tha më tutje Kukaj.
“Pasi filloj rolin tim të ri në departament, unë gjithashtu dua të falenderoj të gjithë partnerët nga religjionet e ndryshme, si dhe liderët e komuniteteve. Unë shikoj përpara që ti ruaj këto raporte, ti zhvilloj ato dhe të ndërtoj të reja,” vijoi Kukaj.
Në fund Kukaj u premtoi të gjithë NYPD se do jetë 24 orë në disponimin e tyre, në çdo moment kur ndonjë oficer kërkon të bisedojë me të.
“Jam këtu për t’ju shërbyer dhe dëgjuar që të bëjmë më të vlefshme jetën e gjithësecilit,” tha Kukaj që tashmë vlen si imami kryesor i NYPD.
Vlen të theksohet sy ky post i jashtëzakonshëm merret përherë të parë nga një imam shqiptar dhe se vetëm përkrahja e madhe që gëzon dr. Tahir Kukaj nga dhjetra qendra Islame në Nju Jork ia mundësuan këtë detyrë nderi.
