Muhamedi a.s. thotë: “Agjerimtari ka dy gezime. Gezimi i parë është tubimi në sofrën e iftarit kurse gezimi i dytë është takimi me Allahun në botën tjetër”.
Gëzimi i sofrës së Iftarit: Manifestimi i gëzimit të agjërimtarin në sofrën e iftarit nuk ka të bëj me dëshirën e tij për tju rikthyer ushqimeve dhe epshit, sepse ai me vetë dëshirë u largua prej tyre, por brenda tij ka ndjenja më madhore se kjo. Brenda këtij gëzimi ai ka shumë lumturi dhe kënaqësi.
Lumturia e parë i tij është se arriti me shumë sakrifica të çon në vend një urdhër të Zotit dhe tashmë i ulur pranë sofrës, ndjehet krenar me veten e tij.
Lumturia e dytë është është se arriti të bën një akt adhurimi që ka zgjatur pa ndal deri në 19 orë në ditë, për dallim nga ibadetet tjera që zgjasin shumë më pak.
Lumturia e tretë i tij është se duke përjetuar vet urinë dhe etjen, tashmë e ka kuptuar thelbin e falemderimit ndaj Zotit për furnizimin dhe mirësitë që ja ka dhënë Ai dhe ka kuptuar thelbin e humanizmit, që Zoti dikujt i ka dhënë më shumë nga furnizimi i Tij, e dikë tjetër e ka privuar dhe sprovuar prej këtyre kënaqësive që vet ai i përjeton, prandaj ai vazhdimisht thotë ‘Faleminderit o Zot’ dhe vazhdimisht ndihmon të varfërit dhe skamnorët.
Lumturia e katërt i tij është se kishte kaluar kohë e gjatë pa mos me e parë tërë familjen e tij të bashkuar, kompakte dhe njëkohësisht të buzëqeshur para sofrës së hajes. Kjo i bën prindërit krenar për fëmijët e tyre dhe fëmijët të sigurtë pranë gjirit familjar.
Gëzimi i takimit me Zotin e tij: Agjërimtari perfundimisht do gëzohet në botën tjetër, jo vetëm pse ka hyrë në Xhenetet e larta të Zotit por sepse do takohet me Allahun Fuqiplotë për herë të dytë; herën e parë e takoi Atë me frikë në Gjykatën Supreme sepse u përball me Të si Gjykatës Absolut, por tash pasi ka hyrë në Xhenet do përballet me Të si Shpërblyes Absolut. Por edhe pse është ‘dehur’ prej shikimit të Zotit dhe bisedës me Të, në zemër ka plotë adrenalinë sepse tashmë ka ardhur momenti që Zoti tja zbulon dhe ekspozon enigmën se cila do jetë shpërblimi për agjerimin e tij në këtë botë.
