O ju që keni besuar (besimtar) , agjërimi u është bërë juve obligim … (El Bekare,183)
Agjerimi i muajit të Ramazanit është obligim vetëm për besimtarët dhe jo për çdonjërin që pretendon që është musliman dhe në anën tjetër refuzon Zotin e tij dhe parimet e fesë Islame. Është obligim vetëm për ata që besojnë pa kushte në Allahun e Plotëfuqishëm, që besojnë në vlerat e parimeve islame, vlersojnë dhe janë të bindur se kushtet (shartet) e Islamit janë për të mirën e tyre dhe në dobi të njerzimit. Janë të sigurtë se Allahu xh.sh. nuk dëshiron ti dënon apo rëndon ato me këtë obligim por vetëm ti teston për të matur durimin e tyre karshi etjes, urisë, dhimbjes dhe epshit; Vlersojnë pasurinë që u ka dhënë Zoti dhe me këtë rast janë humanë dhe solidarë ndaj të varfërve dhe bonjakëve.
Përjashim nga ky rregull bëjnë vetëm ata që Allahu xh.sh. veçse i ka sprovuar me ndonjë sëmundje trupore apo mendore. Nëse sëmundja është akute, ato i zavendësojnë kur tu përmisohet gjendja, e nëse është kronike në vend të agjërimit bëhen shkaktarë që të gëzohet ndonjë i varfër apo jetim.
Eh, çfarë mirësie nga i madhi Zot, prandaj gëzohuni ju o besimtarë agjërimtarë dhe priteni si është më mirë këtë misafir të Allahut Fuqiplotë në tokë.
Nga stafi i portalit foldrejt.com, urime të gjithë besimtarëve musliman muaji i bekuar i Ramazanit. Qofshit të gjithë në mëshirën dhe faljen e Zotit. Amin!
