“Robërit e Zotit janë ata që ecin nëpër tokë të qetë, e kur atyre u drejtohen injorantët me fjalë (ofenduese), ata thonë paqe. (Furkan: 63)
Këtë situatë e hasim në përditshmërit tona pa dëshirën tonë, prandaj Allahu na pregadit që të mbrohemi prej injorantëve dhe na mëson si të veprojmë kundër atyre që deshirojnë të na provokojnë, shajnë apo ofendojnë me pa të drejtë.
Injoranti (xhahili) nuk dallohet apo identifikohet me mungesën e shkollimit të tij, profesionit të tij apo përkushtimin të tij në adhurim ndaj Zotit por identifikohet me mungesën e edukatës dhe karakterit të tij; Mos harojmë, edhe djalli (shejtani) ishte adhurues i përkushtuar i Zotit dhe është krijesë shumë inteligjente, por u mallkua nga Zoti sepse u bë kryelartë, pa karakter dhe inteligjencën e tij e shfytëzon vetëm për dredhira, mashtrime dhe mëkate, prandaj kjo e shëndron atë në injorantin (xhahilin) më të madh.
Nëse përballemi me injoranta të tillë djallëzor duhet të distancohemi prej tyre duke thënë “unë jam njeri paqësor dhe nuk dua zënka”. Por këto injorantë xhelozë, të nxitur prej mentorit të tyre të madh – Iblisit, në muajin e Ramazanit i shtojnë provokimet ndaj agjërimtarëve, prandaj Muhamedi a.s. e ndërlidh ajetin e lartëshënuar me hadithin në vazhdim dhe na jep këtë preventivë:
“Nëse dikush nga ju është i agjërueshëm, të mos flasë pahijshëm dhe të mos e ngrejë zërin. Nëse atë e ofendon ose e lufton dikush (injorant), le të thotë: “Unë jam i agjërueshëm, unë jam i agjërueshëm”.
