Policia e Kosovës ka njoftuar se ka arrestuar tre të dyshuar në Pejë, të cilët ishin përleshur mes vete, ku njërit prej tyre i është gjetur edhe një armë zjarri, raporton Fol Drejt.
“Janë arrestuar tre të dyshuar meshkuj kosovarë pasi që, të njëjtit pas një mosmarrëveshje janë përleshur në mes vete me ç’rast gjatë kontrollit te njëri nga të dyshuarit është gjetur një armë zjarri e cila është konfiskuar nga njësitë përkatëse policore.”, shkruan në njoftimin e policisë.
Policia njoftoi se pas intervistimit me vendim të prokurorit të dyshuarit janë dërguar në mbajtje. /FolDrejt/
