Zyrtarët e qytetit të New Yorkut njoftuan se një grua dhe një fëmijë 7-vjeçar humbën si pasojë e përmbytjes së anijes në lumin Hudson.
Një grua dhe një fëmijë 7-vjeçar humbën jetën si pasojë e përmbytjes së një anijeje në lumin Hudson të martën, ku të gjithë 12 personat në bord ranë në ujë, njoftuan zyrtarët e qytetit të New Yorkut në SHBA, shkruan AA, transmeton Fol Drejt.
Tragetet aty pranë shkuan në vendngjarje për të ndihmuar policinë dhe ekipet e shpëtimit për të nxjerrë njerëzit nga uji.
Tre persona mbetën të plagosur rëndë, përfshirë kapitenin. Viktimat u bllokuan nën varkë kur ajo u përmbyt në orët e pasdites pranë Manhattanit, thanë autoritetet, e cila është përballë aeroplanmbajtëses USS Intrepid, një destinacion i njohur turistik.
“Lidhur me rastin kanë nisur hetimet”, tha inspektori Anthony Russo, oficer komandues i Njësisë së Portit të Departamentit të Policisë së New Yorkut, në një konferencë për media të martën pasdite.
Anija ishte marrë me qira nga një grup familjarësh dhe miqsh, thanë autoritetet./FolDrejt/