Driton Selmanaj ka kritikuar Qeverinë Kurti për nënshkrimin e dokumentit për deklaratën rreth personave të zhdukur, ndërmjet Kryeministrit Albin Kurti dhe presidentit të Serbisë Aleksandër Vuçiqit, shkruan Fol Drejt.
Sipas Selmanajt, përmes pajtimit për një deklaratë të tillë, Kosova ia mundëson Serbisë që të heq përgjegjësinë penale juridiko-shtetërore për zhdukjet e dhunshme.
“Me dakordimin e deklaratës për të zhdukurit, Kosova i mundëson Serbisë që të heq përgjegjësinë penale juridiko-shtetërore për zhdukjet e dhunshme sipas Nenit 2 të Konventës së OKB-së”, ka thënë Selmanaj.
“Po ua citoj nenin 2. Zhdukje me dhunë konsiderohet çdo arrestim ndalim nga agjentë të shtetit apo grupe personash nën autorizimin e shtetit. Heqja e fjalisë të zhdukur me dhunë rrezikon brutalisht që përmes devijimit të terminologjisë ta konfirmoj që se ka për qëllim adresimin por tejkalimin”, ka shtuar tutej Selmanaj.
E zëshme ishte edhe deputetja e Partisë Demokratike të Kosovës Eliza Hoxha. Sipas Hoxhës më 2 maj në Bruksel është përmbytur rrëfimi dhe dhimbja e familjarëve të të pagjeturve.
E ndaj kësaj deklarate ka reaguar ministrja Haxhiu, duke thënë se për herë të parë, çështja e personave të zhdukur po trajtohet me prioritet dhe seriozisht nga Qeveria e Kosovës.
“Nënshkrimi i deklaratës për personat e zhdukur e bën Serbinë përgjegjëse për krimin e zhdukjes me forcë të qytetarëve tanë. Për herë të parë, përmes një dokumenti zyrtar Serbia e pranon krimin e bërë dhe obligohet që të japë informacione për varrezat masive ku ende i mban qytetarët tanë dhe po ashtu obligohet që të mos i pengojë gërmimet siç ka ndodhur në vazhdimësi. Me atë deklaratë Serbia pranon krimet shtetërore mbi popullin e Kosovës”, është shprehur ajo.
Veç kësaj, ministrja e ka lëshuar një deklaratë të ish ministrit të drejtësisë nga radhët e PDK-së, Hajredin Kuçi, i cili dikur propozonte të amnistoheshin të gjithë kriminelët e luftës./FolDrejt/
