Që nga ora 07:00 e mëngjesit qytetarët kanë pasur mundësinë që t’u drejtohen kutive të votimit, për të zgjedhur ata që duan t’i përfaqësojnë në institucionet më të rëndësishme të vendit.
Por deri në ora 15:00 pati një numër të konsiderueshëm të daljes së qytetarëve në votime.
Në një paraqitje para mediave, kryetarja e Komisionit Qendror Zgjedhor të Kosovës, Valdete Daka bëri të ditur se deri në këtë orë kanë votuar 32.34% e qytetarëve.
Ndërkohë Komisioni Qendror Zgjedhor në ueb-faqen e tyre janë duke publikuar rishtazi përqindjen e daljes së qytetarëve në zgjedhjet e parakohshme të cilat po zhvillohen sot.
