Në fjalën e tij mbrojtëse Gregory Keohe, avokat i Hashim Thaçit, i ka hedhur poshtë të gjitha pretendimet e Prokurorisë Speciale në gjykimin ndaj ish-krerëve të Ushtrisë Çlirimtare të Kosovës (UÇK-së), shkruan Fol Drejt.
Ndër të tjera Keohe ka shtruar pyetjen se pse ZPS asnjëherë nuk e ka përmendur Adem Demaçin, njeriun kryesor të UÇK-së?
Duke iu referuar 2 nëntorit të vitit 1998, ku Adem Demaçi në një takim me Bujar Bukoshin dhe përfaqësues të tjerë të UÇK-së dhe LDK-së, bisedohej për bashkimin e FARK-ut dhe UÇK-së në një njësi të vetme.
“Personi i parë në listë është Adem Demaçi, nuk është Hashim Thaçi as askush tjetër. Adem Demaçi ishte personi që duhej të pajtohej me faktin që FARK-u dhe UÇK-ja të bashkonin forcat e tyre. Kush është ky person është përfaqësuesi i përgjithshëm politik i UÇK-së nga data 13 gusht 1998 deri në mars 1999, është përfaqësuesi më i lartë i UÇK-së”, deklaroi ai.
Pastaj ai vijoi duke thënë se ZPS-ja “dje z.Demaçi nuk u përmend asnjëherë në diskutimet e tyre, nuk u diskutua si një ndër personat kryesor të UÇK-së, kush ishte ky person, çfarë ka bërë ai?”, u shpreh Keohe.
Më tej mbrojtja shpjegoi funksionin e Demaçit, të cilin e kishte në Zyrën Politike të UÇK-së, duke thënë se selia e kësaj zyreje ndodhej në Prishtinë dhe se, kishte edhe këshilltarë, ndërsa organizonte konferenca për shtyp për çdo javë.
Ai ua kujtoi faktin se ishte vetë Demaçi i cili e kundërshtonte marrëveshjen e Rambujesë dhe se pas tij qëndronin edhe disa krerë të tjerë të UÇK-së, kryesisht komandantë të zonave./FolDrejt/
