“Shpresohet që të gjitha palët të mos heqin dorë nga përpjekja e dialogut dhe të këmbëngulin në zgjidhjen e shqetësimeve të sigurisë përmes bisedimeve të paqes”, i tha kryediplomati kinez homologut të tij rus.
Shefi i diplomacisë kineze, Wang Yi ka deklaruar se Kina do të mbajë një “qëndrim të drejtë” për konfliktin ukrainas, duke promovuar bisedimet dhe paqes mes palëve ndërluftuese, shkruan AA, transmeton Fol Drejt.
“Shpresohet që të gjitha palët të mos heqin dorë nga përpjekja e dialogut dhe të këmbëngulin në zgjidhjen e shqetësimeve të sigurisë përmes bisedimeve të paqes”, i tha kryediplomati kinez homologut të tij rus, Sergey Lavrov, në margjinat e Asamblesë së Përgjithshme të Kombeve të Bashkuara (OKB) në New York.
Në një njoftim nga Ministria e Punëve të Jashtme e Kinës thuhet se Wang theksoi se Kina do të “vazhdojë të mbajë një qëndrim objektiv dhe të drejtë dhe të promovojë paqen dhe bisedimet”.
Qëndrimi i Pekinit vjen pasi Rusia dje shpalli mobilizimin e pjesshëm në funksion të shpalljes së referendumeve në rajonet ukrainase të kontrolluara nga Rusia, Donetsk, Luhansk, Kherson dhe Zaporizhzhia, për t’u bërë pjesë e Rusisë.
Në njoftimin e ministrisë kineze thuhet se Lavrov mban qëndrimin e Rusisë se “siguria është e pandashme”.
“Rusia ende është e gatshme të zgjidhë problemin përmes dialogut dhe negociatave”, tha Lavrov.
Mobilizimi i pjesshëm i Moskës vjen në mes të luftës së saj kundër Ukrainës, gjatë së cilës miliona njerëz janë zhvendosur, qindra janë vrarë dhe mijëra janë plagosur.
“Kina është e gatshme të punojë me Rusinë. Si anëtarë të përhershëm të Këshillit të Sigurimit dhe vende me përgjegjësi të mëdha, Kina dhe Rusia duhet të luajnë rolin e tyre”, tha Wang.
Të dy palët diskutuan edhe për situatën në Gadishullin Korean.
Wang po ashtu u takua me ministren franceze për Evropën dhe Punët e Jashtme, Catherine Colonna.
“Ne bashkërisht qëndrojmë për një botë shumë-polare dhe një demokraci më të madhe në marrëdhëniet ndërkombëtare dhe mbrojmë rolin qendror të OKB-së dhe normat bazë që rregullojnë marrëdhëniet ndërkombëtare”, i tha Wang homologes franceze.
Takimi vjen mes raporteve se presidenti francez, Emmanuel Macron dhe kancelari gjerman, Olaf Scholz, mund të udhëtojnë ndaras në Pekin më vonë në muajin nëntor për t’u takuar me presidentin kinez, Xi Jinping./FolDrejt/
