Shpërthime janë raportuar në qytetin jugor të Ukrainës, Mykolaiv, sipas administratës rajonale.
Dëshmitarët raportuan se kishin dëgjuar tre shpërthime të mëdha dhe imazhet nga qyteti tregonin të paktën një kolonë të madhe tymi të zi.
Shpërthimet pasojnë sulmet me raketa në zonën përreth Mykolaiv të hënën, shkruan CNN, transmeton Fol Drejt.
Sipas ushtrisë ukrainase, zona përgjatë kufirit të Mykolaiv-it me rajonin Kherson vazhdon të përballet me bombardime nga forcat ruse që mbrojnë territorin që ata kanë arritur të marrin.
Administrata rajonale tha se qyteti i Shyroke, 50 kilometra në lindje të Mykolaiv, u bombardua të hënën në mbrëmje dhe të martën në mëngjes. Sipas informacioneve paraprake, nuk ka viktima.
Linjat e frontit në rajonet Mykolaiv-Kherson kanë ndryshuar pak gjatë muajit të kaluar, megjithëse forcat ukrainase arritën disa avantazhe modeste në një kundërofensivë që nisi në fillim të qershorit. /FolDrejt/
