Retë tymi të zi formohen mbi shumicën e vendeve të Kontinentit të Vjetër, me zjarre kërcënuese që shpërthejnë, duke shkatërruar shtëpi dhe sipërfaqe të mëdha toke.
Në të njëjtën kohë, një valë e nxehtë me përmasa të paprecedentë goditi Evropën, e cila i atribuohet efekteve të ndryshimeve klimatike, shkruan protothema, transmeton Fol Drejt.
Në Francë, ku Emmanuel Macron vizitoi jugun për shkak të fronteve të përhapura të zjarrit, zjarrfikësit janë ende duke luftuar me flakët.
Megjithatë, e rëndësishme është që në rajonin e Gironde situata ka filluar të vihet nën kontroll.
Temperaturat në Francë ranë nga 40 gradë në rreth 25 gradë.
Në Spanjë, situata e zjarrit vazhdon të ngjall shqetësim, me dy zjarre të mëdha që janë ende jashtë kontrollit në jugperëndim. Një tjetër front zjarri është i madh në lindje pranë Madridit.
Në rajonin e Aragonit janë djegur rreth 5600 hektarë, ndërsa në Spanjë kanë humbur jetën gjithsej 500 persona për shkak të temperaturave ekstreme të larta.
Portugalia është gjithashtu në mes të valës së të nxehtit, me mbi 1000 vdekje të regjistruara për shkak të të nxehtit ekstrem.
Zjarret e mëdha kanë përfshirë Italinë ditët e fundit, me vendin që ka lëshuar një paralajmërim emergjence për të enjten.
Një valë e të nxehtit po përhapet edhe në disa pjesë të Gjermanisë me merkurin që tregon edhe 38 gradë.
Të mërkurën, në fakt, një temperaturë e lartë rekord është shënuar edhe në Suedi, me 32 gradë./FolDrejt/
