Shpesh ndodh që mjekësia popullore shëron më mirë dhe pa efekte anësore sëmundjet që nuk po u gjendet derman nga mjekësia profesionale. Portali “Foldrejt.com”, edhepse nuk është i specializuar në këtë fushë, ka hasur në një libër të vjetër për çajrat të kohës së komunizmit në Shqipëri, ku shumë sëmundje të rënda dhe kronike mund të zbuten ose të shërohen tërësisht nga përzierja e disa bimëve. Në vijim do u japim një recetë.
Përzierja për mëlçinë (Species Hepatica Profarma)
Një sëmundje tepër e hapur sot është ajo e mëlçisë, zakonisht edhe te ata që konsumojnë alkoolin.
Bar lulebasani (Hyperici Herba)… ………………………20 përqind
Bar e rrënjë luleshurdha (Taraxaci Rad. et Herba)…. 20 përqind
Lëvore drunakuqi (Frangulae Cortex)………………….15 përqind
Gjethe mendre (Menthae Folium) ……………………….10 përqind
Mustaqe mistri (maydis stigma) ………………………..10 përqind
Bar njëmijëgjethëshi (Millefoli Herba) ……………….…15 përqind
Fryte trëndafili të egër (Cynosbati Fructus)…………..10 përqind
Vetitë
Nga përzierja e bimëve të përshkruara më sipër, e mira e së cilës është se secila bimë e lartëpërmendur rritet në trevat shqiptare, del një çaj, i cili nxit veprimtarinë e mëlçisë – kjo në sajë të pranisë së luleshurdhës (radhiqes) dhe të barit të lulebasanit. Gjethet e mendrës dhe bari i njëmijëgjethëshit janë kolagogë të fuqishëm, si pasojë i krijojnë kushte të përshtatshme mëlçisë për të punuar normalisht. Mustaqet e misrit dhe lëvorja e drunakuqit me efektet e tyre diuretike e laksative, pastrojnë në rrugë të tërthortë mëlçinë nga lëndët e dëmshme. Frytet e trëndafilit të egër, në saje të përmbajtjes së vitaminave dhe, në radhë të parë, të vitaminës C, zgjerojnë enët e gjakut dhe nxisin ose rigjenerojnë indet e dëmtuara të mëlçisë. Esenca e mendrës dhe ajo e njëmijëgjethëshit, në saje të veprimit spazmolitik dhe antiseptik, lirojnë spazmat, lehtësojnë dhembjet e mëlçisë dhe përmirësojnë funksionin e saj.
Përgatitja dhe përdorimi
Një lugë gjelle me specie hidhet në një enë ku shtohet një gotë me ujë që valon, lihet 10 minuta dhe pastaj lëngu kullohet dhe ruhet mënjanë; në mbetje shtohet një gotë me ujë dhe përmbajtja zihet pesë minuta. Pas ftohjes, çaji kullohet dhe përzihet me lëngun e parë, ëmbëlsohet sipas dëshirës. Pihen 2 gota me çaj në ditë. Kura vazhdon 1 javë rresht në rastet e terapisë ndihmëse dhe 15-30 ditë në rastet e mjekimit parandalues.
Ruajtja:
Në vendet e thata dhe të ajrisura specia ruan veprimin për 18 muaj.
