Pesë ushtarë kanë humbur jetën, tha agjencia e lajmeve e regjimit sirian.
Regjimi i Bashar al-Asadit në Siri pohoi se Izraeli kreu sulme ajrore sot në kryeqytetin Damask, shkruan AA, transmeton Fol Drejt.
Forcat ajrore izraelite kryen sulmet në aeroportin e Damaskut dhe pikat ushtarake rreth orës 00:45 me orën lokale, tha agjencia e lajmeve e regjimit SANA, duke cituar një burim ushtarak.
Duke vënë në dukje se pesë ushtarë vdiqën në sulme, agjencia e lajmeve tha se raketat kryesisht u interceptuan nga mbrojtja ajrore siriane.
Izraeli nuk ka lëshuar ende një deklaratë në lidhje me pretendimin.
Dihet se përveç ushtrisë së regjimit, në Damask ka pika ushtarake që u përkasin milicive aleate të Iranit dhe Hezbollahut.
Regjimi i Asadit kishte thënë se aeroporti i Halepit ishte në shënjestër të forcave izraelite dhe ishte përkohësisht jashtë shërbimit për shkak të sulmeve më 6 shtator dhe 31 gusht.
Zyrtarët izraelitë në përgjithësi përmbahen nga komentimi i sulmeve në territorin sirian.
Izraeli ka kryer në mënyrë sporadike sulme kundër grupeve të mbështetura nga Irani dhe pikave ushtarake të regjimit në Siri që nga viti 2011 kur filloi lufta civile./FolDrejt/
