Aeroplani me presidentin rus Vladimir Putin u shoqërua nga avionët Su-35S të Forcave Ajrore Ruse derisa u ul në Abu Dhabi, tha sot zëdhënësi i Kremlinit, Dmitry Peskov.
“Luftëtarët mbanin armë standarde të klasave të ndryshme. Aeroplani Su-35S u ngrit nga një aeroport operativ në Rusi në kushte të vështira moti me shi të dendur dhe me erëra. Luftëtarët pilotoheshin nga pilotë të klasit të parë”, tha Peskov.
Peskov tha se për mbështetjen ajrore të aeroplanit presidencial janë marrë leje speciale fluturimi nga vendet mbi territoret e të cilave fluturon avioni i Putinit dhe falënderoi ato vende për bashkëpunimin e tyre.
