Rusia lëshoi një paralajmërim rrënqethës pas “zhurmave” se Kievi ka plane për rimarrjen e Krimesë, shkruan Sky News, përcjell Fol Drejt.
Gadishulli, i cili njihet ndërkombëtarisht si pjesë e Ukrainës, u aneksua ilegalisht nga Rusia në vitin 2014.
Zëdhënësi i Kremlinit Dmitry Peskov e përshkroi idenë, veçanërisht sugjerimin se ShBA mund të ndihmojë ukrainasit në këtë përpjekje, si “jashtëzakonisht të rrezikshme”.
“Kjo do të thotë ngritja e konfliktit në një nivel të ri që nuk do të jetë një shenjë e mirë për sigurinë evropiane”, shtoi ai.
Komentet e tij vijnë pasi një artikull i New York Times citonte zyrtarë të paidentifikuar amerikanë që sugjeronin se administrata e Biden “mirëpret” idenë për të ndihmuar Kievin të sulmonte Krimenë.
Shtëpia e Bardhë thuhet se ka arritur të besojë se nëse Ukraina mund të tregojë se mund të kërcënojë kontrollin rus të Krimesë, kjo do të forcojë dorën e Kievit në negociatat e mundshme.
Megjithatë, administrata Biden thuhet se është ende e shqetësuar se çdo përpjekje ukrainase për të rimarrë gadishullin do të ishte edhe e pasuksesshme dhe do të rrezikonte një përshkallëzim të rrezikshëm. /FolDrejt/
