Rusia shpreson që gjatë aksionit ushtarak në Ukrainë, një nga detyrat e saj kryesore për shpëtimin e Republikave Popullore të vetëshpallura të Donetsk dhe Luhansk dhe rivendosjen e shtetësisë së tyre do të përmbushet, tha zëdhënësi i Kremlinit Dmitry Peskov.
“Rusia e ka njohur sovranitetin e Republikave Popullore të Donetskut dhe Luhanskut. Ne ua kemi njohur pavarësinë, i kemi njohur si shtete të pavarura. Operacioni u nis me kërkesë të këtyre dy republikave. “Një nga qëllimet kryesore të operacionit është shpëtimi i këtyre republikave dhe rivendosja e shtetësisë së tyre brenda kufijve të vitit 2014, brenda kufijve që përmbahen në kushtetutat e Republikës Popullore të Donetskut dhe Luhanskut”, tha Peskov në një intervistë për Belarus-24.
Një zëdhënës i Kremlinit tha gjithashtu se shpreson që të gjitha “këto detyra të operacionit special ushtarak do të përmbushen”./FolDrejt/
