Peter Stano ka thënë se Bashkimi Evropian është i vëmendshëm ndaj zhvillimeve të fundit në veri të Kosovës, shkruan Fol Drejt.
“I dënojmë incidentet e dhunshme dhe sulmet. BE-ja bën thirrje për përgjegjësi dhe shtensionim, për të mirën e popullatës lokale. EULEX-i dhe KFOR-i janë prezent në terren dhe vazhdojnë patrullimin dhe monitorimin e situatës”, është shprehur Zëdhënësi i BE-së në një konferencë për shtyp.
Normalizimi i raporteve dhe sh-tensionimi i situatës, janë synime të cilat po përpiqet t’i arrijë BE ka thënë ai.
“Sa herë që vjen puna te sanksionet, ju e dini që sanksionimi është diçka që nuk e diskutojmë publikisht, për sa i përket diskutimeve të mundshme, sugjerimeve propozimeve të mundshme, është diçka që nuk do të komentoj, por mund të përsëris se BE-ja dhe shtetet anëtare që janë përgjegjëse për të vendosur për çdo masë kur kemi të bëjmë për çështje të tilla, po e shikojnë situatën shumë për së afërmi dhe po e përcjellin atë, dhe e dinë shumë mirë kush çka bën. Nëse do të duhet konsensus që do të na duhet të bëjmë diçka për persona specifikë, atëherë shtetet anëtare do të diskutojnë dhe vendosin. Por s’më përket mua të spekuloj për këtë çështje”, tha ai./FolDrejt/
