Ambasadori Jorn Rohde, ka reaguar ndaj drejtorit të së ashtuquajturës “Zyra për Kosovën” në Qeverinë e Serbisë, Petar Petkoviq, pasi e akuzoi se po thotë të pavërteta në lidhje me reciprocitetin që Qeveria e Kosovës ka vendosur ndaj Serbisë, shkruan Fol Drejt.
Ambasadori i Gjermanisë në Kosovë, në replikën e tij, ka theksuar se të gjitha marrëveshjet e Brukselit duhet të zbatohen dhe se krijimi i Asociacionit të Komunave me Shumicë Serbe në Kosovë, duhet të adresohet si çështje.
Rohde shkruan:
“I nderuar, z. Petkoviq, po, të gjitha marrëveshjet e Brukselit duhet të zbatohen. Për informatën tuaj: Kam deklaruar shumë herë se krijimi i Asociacionit të Komunave Serbe duhet të adresohet, së fundmi e kam thënë në Televizion, në “Slobodno Srpski” dhe “Kallxo Përnime”, dhe në takimet biletareale me Qeverinë e Kosovës në baza të rregullta.”
Ua kujtojmë se të enjten Petkoviq, tha për ambasadorin tha se nuk po e thotë të vërtetën:
“Përfaqësuesi gjerman në Prishtinë nuk po thotë të vërtetën! Si ndodh që shkelja e marrëveshjes dhe lëvizjet e dhunshme të @albinkurti të jenë legjitime? Sa është legjitime heqja e targave? Si ndodh që përfaqësuesi gjerman në Prishtinë heshti për këtë?”, ka shkruar Petkoviq.
Ai ka shtuar se nuk ka mundësi që “konfiskimi i dokumenteve personale të serbëve” të jenë legjitime.
“Si ka mundësi që është legjitime konfiskimi i dokumenteve personale nga serbët në K&M? Ku e thotë kështu? Çfarë ndodhi me themelimin e Asocacionit të Komunave Serbe të cilën serbët e kanë pritur për gati 10 vjet, e cila është e vetmja gjë në përputhje me Marrëveshjen e Brukselit?”, thka thënë ai.
Në fund, Petkoviq ka kritikuar Gjermaninë, duke thënë se nuk ka bërë asgjë për themelimin e Asociacionit të Komunave Serbe.
“Pse Gjermania nuk bëri asgjë për Asocacionin? Përpara çdo interpretimi të njëanshëm, lexoni me kujdes marrëveshjet e mëparshme!”. /FolDrejt/
Më poshtë mund ta gjeni replikën e ambasadorit:
Dear Mr Petkovic, yes, all Brussels agreements need implementation. FYI: I have stated multiple times that the creation of the ASM has to be addressed, just recently and publicly on TV on „Slobodno Srpski“ and „Kallxo Pernime“, and bilaterally with 🇽🇰 gov. on a regular basis. https://t.co/vjMYpDJFe5
— Ambassador Jörn Rohde (@GermanAmbKOS) August 5, 2022
