Drejtori i Zyrës për Kosovën në Qeverinë e Serbisë, Petar Petkoviq, ka reaguar ndaj postimit të kryeministrit të Kosovës, Albin Kurti, lidhur me shfaqjen e sotme ushtarake të Ushtrisë Serbe në Batajnicë, shkruan Danas, përcjell Fol Drejt.
Ai tha se Kurti nuk do të hetojë asnjë nga nëntë lokacionet ku janë varrosur serbët.
“Albin Kurti, ju flisni për persona të zhdukur dhe nuk do të hetoni asnjë nga nëntë lokacionet ku janë varrosur serbët! Vetëm një mut do ta thoshte një gjë të tillë. Nesër doni të bëheni Gauleiter pushtues në veri të Kosovës, me tuba të gjatë, me kontejnerë dhe një për qind shqiptarë. Turp të keni!”, ka shkruar Petkoviq në Twitter, duke aluduar për zgjedhjet e nesërme që po mbahen në katër komuna në veri të Kosovës.
Kurti më herët ka shkruar në llogarinë e tij në Twitter se Serbia në vend të memorialit në vendin e varrit masiv po zhvillon stërvitje ushtarake në Batajnicë. /FolDrejt/
