Drejtori i Zyrës serbe për Kosovë Petar Petkoviq, ka deklaruar sot se kryeministri i Kosovës, Albin Kurtit, duhet që siç tha ai “ t’i ruajë nervat sepse presidenti serb Aleksandar Vuçiq do të mbrojë interesat kombëtare serbe”.
Sipas Petkoviqit, kjo është arsyeja kryesore e siç i quan ai “sulmeve dhe gënjeshtrave të sinkronizuara që politikanët shqiptarë në Prishtinë i bëjnë bashkërisht që nga e diela në kurriz të Beogradit zyrtar dhe presidentit Aleksandar Vuçiq”, raporton Tanjug, transmeton Klankosova.tv.
“Ashtu si Kurti sheh disa kërcënime ushtarake nga Serbia dhe në fakt Kurti është ai që kërcënon gjatë gjithë kohës, Vjosi Osmani sheh tre zgjidhje që gjoja i ka ofruar Kosova për të mbajtur Serbia”.
Petkoviq me këto deklarata i është referuar komenteve të djeshme të Kurtit gjatë intervistës për CNN ku foli mes tjerash edhe për krimet e Serbisë ndaj shqiptarëve në Kosovë.
Ai deklaroi poashtu se Kosova ka rritur kapacitetet e ushtrisë dhe se buxheti i mbrojtjes është rritur për 52 për qind.
Drejtori i zyrës serbe për Kosovë i reagoi edhe presidentes Vjosa Osmani e cila tha gjatë një konference për media se kanë qenë tri opsione të cilat nuk janë pranuar nga ana e Serbisë, e që i janë ofruar rreth mbajtjes së zgjedhjeve të 3 prillit edhe në Kosovë.
