I ashtuquajturi, drejtori i Zyrës për Kosovë, Petar Petkoviq, ka thënë sot se takimi i fundit në Bruksel ka konfirmuar absolutisht se kinse Prishtina nuk është e gatshme të shkojë në drejtim të deeskalimit dhe se ardhja në Bruksel është vetëm një shfaqje për Prishtinën.
Ai tha për TV Pink se është mënyra e Prishtinës që të flasë për deeskalim, por që kur të duhet të zbatohet, nuk do të jetë trepalësh, marrëveshje, deeskalim.
“Ne ishim të gatshëm të takoheshim me ta sepse në të kundërtën do të shkonin në Bruksel. Një pyetje tjetër është nëse më pëlqen të takohem me Bislimin, por puna ime është të diskutoj tema të vështira. Kjo nuk ka të bëjë më me negociata dhe përgjegjësi. Ata vetëm po i shajnë negociatat dhe po vijnë në Bruksel, kjo është vetëm një shfaqje për ta”, tha Petkoviq.