Drejtori i të ashtuquajturës Zyra për Kosovën, Petar Petkoviq, ka thënë sot se pjesa politike e konkluzioneve të arritura në bisedën me serbët nga Kosova do të zyrtarizohet në seancën e ardhshme të Qeverisë së Serbisë dhe do të bëhet detyruese për serbët, ekipin negociator dhe të gjitha organet shtetërore, shkruan Fol Drejt.
“Konkluzionet politike janë se Serbia po kërkon një reagim urgjent nga bashkësia ndërkombëtare në mënyrë që Prishtina të ndalojë shkeljet e ligjit për targa dhe të lejojë lirinë e lëvizjes për të gjithë ata që përdorin targa legale dhe legjitime të Serbisë dhe se Bashkimi i Komunave Serbe (USO) duhet të formohet pa kushte, si dhe njësitë speciale të forcave të Kosovës të tërhiqen nga veriu i Kosovës” – shkruan sot Danas.
Petkoviq tha për TV Pink se takimi i së enjtes ishte një mundësi për të diskutuar edhe një herë gjithçka që po shqetëson qytetarët serb në Kosovë.
Ai ka thënë se kryeministri i Kosovës Aljbin Kurti nuk është i interesuar për normalizimin e marrëdhënieve, por se po bëhet gjithçka për të dëbuar serbët nga Kosova.
“Nëse ai nuk dëshiron marrëveshje në tavolinë, atëherë si do të dëshirojë për formimin e Asociacionin, e cila paraqet thelbin e dialogut dhe pa të cilën nuk ka normalizim të marrëdhënieve”, ka theksuar Petkoviq.
Ai shtoi se ka dërguar një njoftim se dëshiron t’i kalojë Pashkët në Deçan dhe se ende është në pritje të konfirmimit nga pala prishtinase./FolDrejt/
