Shumë perëndimorë mendojnë se religjoni po humbet rëndësinë, megjithatë e kundërta është e vërtetë. Akoma shumica e banorëve janë religjioze, veçanërisht kur bëhet fjala për Islamin, thotë një studim i amerikanes Pew Research Center, përcjell foldrejt.com
Në fakt thënia e Niçes, se “Zoti ka vdekur” ka gjetur terren te bota e krishterë në Perëndim të Europës ku kishat grumbullojnë njerëz vetëm gjatë Krishtlindjeve dhe Pashkëve. Por përkundër kësaj, përsëri sipas studimit të Pew Reasearch Center çdo i treti banor i tokës e quan veten të krishterë (31.5 përqind), kurse çdo i katërti musliman (23.2 përqind). Të tretën për nga numri janë njerëzit pafe (joreligjiozë) që përbëjnë 16.3 përqind, ndjekur më pas nga hindusët 15 përqind, budistët 7.1 përqind, religjionet kombëtare 5.9 përqind dhe hebrenjtë 0.2 përqind.
Si vende joreligjioze vlejnë Kina, Japonia, vendet baltike ku rreth gjysma e popullatës shprehen se nuk i takojnë asnjë religjioni (ateist ose agnostikë) kurse si vendi më pak religjioz në botë vlen Çekia (76 përqind).
Si vendet me përqindjen më të madhe të religjioneve kombëtare janë Vietnami 45 përqind, Togo 35 përqind, Sudani Jugor 32 përqind, Kina 21.9 përqind, Benin 18 përqind dhe Burkina Faso 15 përqind. Pra kryesisht vendet afrikane.
Si qëndrojnë vendet shqiptare?
Shqiptarët janë me maxhorancë muslimane. Në Kosovë ka 87 përqind muslimanë, në Shqipëri 80 përqind muslimanë, kurse në Maqedoninë Veriore 39.3 përqind muslimanë.
Sa u takon të krishterëve, në Kosovë ka 11 përqind, në Shqipëri 18 përqind, kurse në Maqedoninë Veriore 59.3 përqind.
Dhe në fund, në Shqipëri përkundër që është luftuar feja për rreth gjysëmshekulli, vetëm 1.4 përqind e shtetasve të saj theksojnë se janë joreligjioz – po aq sa në Maqedoninë Veriore. Në Kosovë kjo përqindje është pak më e lartë – 1.6 përqind.
Por, në pyetjen sesa është i rëndësishëm religjioni për jetën e përditshme, në Shqipëri kjo përqindje është 39, në Kosovë 90 përqind, kurse në Maqedoninë Veriore 76 përqind.
A ardhmja e botës
Në vitin 2050 mendohet që krishterët do jenë njëlloj sa muslimanët, kurse më pas Islami do jetë feja e parë në botë për nga numri. Hinduizmi nuk do ketë as rritje as zvogëlim pasi India ka rritje të ngashme sa bota – duke mbetur në 15 përqind. Ngjashëm vlen edhe me jofetarët 1.2 përqind./Foldrejt.com
