Nesër pritet të zhvillohet ndeshja midis ekipit italian Milan dhe atij anglez Chelseas.
Para kësaj ndeshje, trajneri i ekipit italian, Pioli, ka shprehur bindjen se do të jetë një ndeshje tjetër në krahasim me ndeshjen e humbur të javës së kaluar.
“Ne duam të vërtetojmë se humbja ishte vetëm një rast, jo normalitet. Ne ishim të zhgënjyer me performancën në Londër. Ne duhet të mësojmë nga gabimet tona dhe të bëjmë më mirë.
Ne kemi nevojë për një paraqitje të nivelit të lartë kundër një ekipi të fortë. Nuk duhet të shqetësohemi, nesër është një ndeshje tjetër dhe ne duhet të përpiqemi të jemi në nivelin tonë”, ka theksuar Pioli.
Trajneri nuk ka harruar as tifozët, të cilët i ka quajtur si armë shtesë.
“Është fantastike të luash para tifozëve tanë, ata na japin mbështetje të madhe, ata janë një armë shtesë për ne” – është shprehur Pioli./FolDrejt/
